قازاق كولىك اكادەمياسى فرانسۋزدىق كولىك قۇراستىرۋ كومپانياسى ءۇشىن كادرلار دايارلايتىن بولدى

استانا. قازاقپارات - م. تىنىشبايەۆ اتىنداعى قازاق كولىك جانە كوممۋنيكاتسيا اكادەمياسى مەن «Alstom» فرانسۋز كولىك قۇراستىرۋ كومپانياسى تەمىرجول سالاسىنا كاسىبي كادرلاردى دايارلاۋ تۋرالى مەموراندۋمعا قول قويدى، دەپ حابارلايدى «ق ت ج» ۇ ك» ا ق باسپا ءسوز قىزمەتىنەن.

نەگىزىنەن، «Alstom»  كومپانياسى قاز ك ك ا- نىڭ وقۋ بازاسى نەگىزىندە سەرۆيستىك قىزمەتكەرلەردى دايارلايدى، اكادەميا ستۋدەنتتەرى مەن قىزمەتكەرلەرى ءىس-تاجىريبەدەن Alstom كاسىپورىندارىندا وتەدى، قازاقستاندىق نارىققا ارنالعان كومپانيا ونىمدەرىن تەكسەرۋدە اكادەميا وكىلدەرىنىڭ قاتىسۋعا قۇقىقتارى بار.

سونىمەن قاتار سەرىكتەستەر كەدەندىك وداق اياسىندا قولدانىلاتىن بولاشاق تەحنيكالىق رەگلامەنت كونتەكستىندە ستاندارتتاردى دايارلاۋدا ىنتىماقتاستىق قۇرۋدى جوسپارلاپ وتىر.

ەستەرىڭىزگە سالا كەتەيىك، Alstom ءوز جۇمىسىن قازاقستاندا 2010-جىلى باستادى. استانادا ەلەكتروۆوز قۇراستىرۋ زاۋىتىمەن بىرلەسكەن كاسىپورىن جۇمىس جاساۋدا.

«ءبىز ءۇشىن قاز ك ك ا- مەن سەرىكتەس بولۋ اسا ماڭىزدى. ول ەڭ الدىمەن بولاشاق ءۇشىن كولىك سالاسىنىڭ بىلىكتى ماماندارىن دايارلاۋعا نەگىز بولادى»، - دەدى رەسەي مەن ت م د اۋماعىنداعى Alstom ۆيتسە-پرەزيدەنتى مارتەن ۆوجۋر.

Alstom اكادەمياعا وقۋ قۇرالى رەتىندە KZ8A بەن PrimaII ەلەكتروۆوزدارىنىڭ اربا، دوڭگەلەك، ت. ب بولشەكتەرىن تاپسىردى.