الماتىدا شوقان ءۋاليحانوۆقا ارنالعان ءۇش كىتاپتىڭ تۇساۋكەسەرى ءوتتى - فوتو
اتاپ ايتقاندا، كلارا دياروۆانىڭ «اققان جۇلدىز. شوقان ءۋاليحانوۆ»، وردەنبەك مازبايەۆ پەن يسمايلجان يمينوۆتىڭ «شوقاننىڭ كەرۋەن جولىمەن» كىتاپتارى كوپشىلىككە تانىستىرىلدى.
ايتا كەتەيىك، جاڭا تۋىندىلارعا قازاقستان ۇلتتىق گەوگرافيالىق قوعامىنىڭ شوقاننىڭ ىزىمەن قاشعارياعا ۇيىمداستىرعان ەكسپەديتسياسىنان تۋعان دەرەكتەر كىرگەن. بيىل ينستيتۋت قىزمەتكەرلەرى «زولوتايا كنيگا» رەدكاتسياسىمەن بىرىگە وتىرىپ، وسى ماتەريالدار نەگىزىندە فوتوالبوم جاساۋدى ءجون دەپ شەشتى.
«2014 -جىلى قازاقستان گەوگرافيا قوعامى ءبىر توپ عالىمدى ش. ءۋاليحانوۆتىڭ كەرۋەن جولىنا ساپارعا جىبەردى. كوپكۇندىك ەكسپەديتسيادا تۇرپان، ارتۋش قالالارىندا بولدىق. ءبىرىنشى بولىمىندە ءبىز شوقاننىڭ ءوزى جانە ساياحاتى تۋرالى بايانداساق، ەكىنشىسى ءبىزدىڭ كۇندەلىگىمىزگە اينالدى. ول بىرەگەي عۇلاما ەدى. كوپ عالىمدار ونىڭ بارعان جەرىنە بارماي جاتىپ ەڭبەك جازادى. ول دۇرىس ەمەس. مەندە ءالى دە كوپ سۇراق بار كوكەيىمدى مازالاعان»، - دەدى يسمايلجان يمينوۆ.
دوڭگەلەك ۇستەلدە 30 عالىم باس قوستى. ولار عۇلامانىڭ ءومىرى مەن عىلىمعا قوسقان ۇلەسىن جاڭا قىرىنان تالقىلادى.
اۆتور: گۇلميرا عوسمان-ءالي