قازاقستان حالقى اسسامبلەياسى قايىرىمدىلىق ورتالىعىنا اينالادى
بۇل تۋرالى بۇگىن ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىندا وتكەن حالىقارالىق كونفەرەنتسيادا ق ر مەملەكەتتىك حاتشىسى گۇلشارا ءابدىقالىقوۆا ءمالىم ەتتى.
«قازاقستان حالقى اسسامبلەياسى قايىرىمدىلىق ورتالىعىنا اينالادى. بۇل - الەۋمەتتىك ىنتىماقتاستىق جانە ءوزارا سەنىم مەن دوستىق جۇيەسى»، - دەپ اتاپ ءوتتى مەملەكەتتىك حاتشى ق ر مەملەكەتتىك باسقارۋ اكادەمياسىندا ق ح ا- نىڭ 20 جىلدىعىنا ارناپ وتكىزىلگەن شارادا.
ونىڭ ايتۋىنشا، ق ح ا سونىمەن قاتار ەلدەگى مەدياتسيانىڭ دامۋىنا دا وزىنشە سەرپىن بەرىپ كەلەدى.
«اسسامبلەيادا جانجالداردى رەتتەۋ ءۇشىن مەدياتسيا ورتالىعى قۇرىلدى. استانا، الماتى قالالارىنىڭ جانە وبلىس اكىمدەرىنە جەرگىلىكتى دوستىق ءۇيى جانىنان مەدياتسيا ورتالىقتارىن قۇرۋ تاپسىرىلدى. وسىلايشا ق ح ا ەلدە مەدياتسيا دامىتۋدىڭ قۋاتتى فاكتورى بولىپ تابىلادى. قازىردىڭ وزىندە سوڭعى وزەكتى ماسەلەلەرى بويىنشا ايماقتاعى قوعامدىق كەلىسىم كەڭەستەرىمەن 2500 استام ءىس-شارالار وتكىزىلدى»، - دەيدى گ. ءابدىقالىقوۆا.
ونىڭ سوزىنە قاراعاندا، بۇل ق ح ا- نىڭ قوعام ءۇشىن اسا قاجەت ەكەندىگىن بىلدىرسە كەرەك.
«وعان قوسا، «ماڭگىلىك ەل» جالپىۇلتتىق پاتريوتتىق يدەيا اسسامبلەيا تۋرالى زاڭدا ناقتى بەكىتىلگەن. سوندىقتان «ماڭگىلىك ەل» يدەياسىنىڭ بىرىكتىرۋشى الەۋەتىنە قاتىستى ق ح ا- نىڭ ماقساتتارى مەن مىندەتتەرى زاڭ جۇزىندە ناقىتالانعان»، - دەپ ەسكە سالدى گ. ءابدىقالىقوۆا.
اۆتور: جاسۇلان جولدىبايەۆ