استانادا «ونەرىمىز ساعان، قازاقستان!» اتتى فەستيۆالدىڭ گالا-كونسەرتى وتەدى
08:26, 20 - قاراشا 2015
استانا. قازاقپارات - بۇگىن، 20- قاراشا كۇنى استانا قالاسىنداعى بەيبىتشىلىك جانە كەلىسىم سارايىندا «ونەرىمىز ساعان، قازاقستان!» اتتى فەستيۆالدىڭ گالا-كونسەرتى وتەدى.
وسى ءبىر ەرەكشە شاراعا قازاق حالقىنىڭ ۇلتتىق ونەرىن جەتىك مەڭگەرگەن ەتنوستىق توپتاردىڭ وكىلدەرى قاتىسىپ، ءوز ونەرلەرىن ورتاعا سالادى.
مەملەكەت باسشىسىنىڭ جارلىعىمەن 2015-جىل - قازاقستان حالقى اسسامبلەياسى جىلى دەپ جاريالانعانى بەلگىلى. وسىعان وراي ەلىمىزدە بەيبىت ءومىر ءسۇرىپ جاتقان ۇلتتار مەن ۇلىستاردىڭ وكىلدەرى كوپتەگەن مادەني ءىس-شارالار وتكىزگەن بولاتىن. مىنە، ەندى ونەر فەستيۆالى وتكەلى تۇر.
بۇل شارانى قازاقستان رەسپۋبليكاسى مادەنيەت جانە سپورت مينيسترلىگى مەن قازاقستان حالقى اسسامبلەياسى ۇيىمداستىرىپ وتىر.
اتالعان گالا-كونسەرتكە مەملەكەت جانە قوعام قايراتكەرلەرى، پارلامەنت سەناتى مەن ءماجىلىسىنىڭ دەپۋتاتتارى شاقىرىلدى.
اۆتور: ايدىن بايمەن