ەلىمىزدىڭ باتىسىندا ءدارى زاۋىتى سالىنباق

استانا. قازاقپارات -  اتىراۋ وبلىسىندا كەلەسى جىلى ءدارى- دارمەك پرەپاراتتارىن وندىرەتىن زاۋىت ىسكە قوسىلماق. وسىلايشا «يندۋستريالاندىرۋ كارتاسى» شەڭبەرىندە ءىرى فارماتسيەۆتيكالىق زاۋىت قۇرىلىسى باستالادى دەپ جوسپارلانىپ وتىر.

 اتالعان كاسىپورىندا كاپسۋلا، تابلەتكا، جاقپا جانە ەرىتىندى تۇرىندەگى 60 تان استام دارىلىك زات شىعارىلادى. بيىل سەح ەكسپەريمەنت تۇرىندە جۇمىسىن باستاپ كورمەك. تەك سودان سوڭ كاسىپورىن تولىق وندىرىسكە كوشەدى.

زاۋىت قۇرىلىسى 2017 - جىلى اياقتالادى. جوبا جەتەكشىلەرىنىڭ پايىمداۋىنشا، نىسان ىسكە قوسىلعان سوڭ قازاقستاندىقتار الەمدىك تالاپتارعا ساي كەلەتىن ساپالى ءارى ارزان ءدارى- دارمەككە قول جەتكىزەدى.

زابيرا داۋلەتجانوۆا، فارماتسيەۆتيكالىق زاۋىتتىڭ باس ديرەكتورى:

 - زاۋىت ءوندىرىسى ءۇش بلوككا بولىنگەن. ءبىرىنشى بلوك كاپسۋلا، جاقپا جانە ەرىتىندى پرەپاراتتاردان تۇرادى. ورتالىق بلوك ساپاعا، كەڭسەلىك جاراقتارعا، ينجەنەرلىك تەحنولوگياعا جاۋاپ بەرەدى. ۇشىنشىسىندە كىشى جانە ورتا مولشەردەگى امپۋلالار، قان قۇيۋعا ارنالعان قۇتىلار شىعارىلماق. بۇل ت م د ەلدەرى اراسىنداعى تولىقتاي جاڭادان سالىنعان العاشقى فارماتسيەۆتيكالىق زاۋىت بولماق.

www.24.kz