استانا ماڭىندا وتكەن قۇسبەگىلەر سايىسىندا تارازدىق بۇركىتشىلەر توپ جاردى - فوتو
اتالعان جارىس حالىق اراسىندا ۇلتتىق سپورت تۇرلەرىن كەڭىنەن تاراتۋ، بۇركىتشىلەر اراسىندا تاجىريبە الماسۋ جانە سپورتتىق شەبەرلىگىن ارتتىرۋ ماقساتىندا قازاقستان رەسپۋبليكاسى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى، سونداي-اق ۇلتتىق سپورت تۇرلەرى قاۋىمداستىعى، استانا قالاسىنىڭ دەنە تاربيەسى جانە سپورت باسقارماسىلارىنىڭ مۇرىندىق بولۋىمەن ۇيىمداستىرىلدى، دەپ حابارلايدى ۇلتتىق سپورت تۇرلەرى قاۋىمداستىعىنان.
دوداعا ەلىمىزدىڭ 9 وبلىسىنان جانە استانا قالاسىنان 18 بۇركىتشى قاتىستى. سايىس بۇركىتتى قولعا شاقىرۋ، شىرعا سالۋ، اڭ قاقتىرۋ سياقتى 3 ءتۇرى بويىنشا ءوتتى.
سايىس قورتىندىسى بويىنشا ءبىرىنشى ورىندى تاراز قۇسبەگىلەرى، ەكىنشى ورىندى استانا بۇركىتشىلەرى، ءۇشىنشى ورىندى پاۆلوداردىڭ ساياتشىلارى ءبولىستى. ۇزدىك شىققاندار ديپلومدارمەن جانە مەدالدارمەن ماراپاتتالىپ، ولارعا ق ر ۇلتتىق سپورت تۇرلەرى قاۋىمداستىعى تاراپىنان اقشالاي سىيلىقتار بەرىلدى.