دوحاداعى مەشىت ۇزدىك ساۋلەت تۋىندىسى دەپ تانىلدى - فوتو

استانا. قازاقپارات - سينگاپۋردە ءوتىپ جاتقان بۇكىل الەمدىك ساۋلەت فەستيۆالىنىڭ قورىتىندىسىندا 2015-جىلدىڭ ەڭ ۇزدىك ارحيتەكتۋرالىق جوبالارى بەلگىلى بولدى. اتالمىش فەستيۆالدىڭ «ءدىن» اتالىمى بويىنشا دوحا (كاتار) قالاسىنداعى مەشىت جەڭىمپاز دەپ تانىلدى. بۇل تۋرالى Muftyat.kz باسىلىمى حابارلادى.

ەرەكشە ۇلگىدە سالىنعان عيماراتتان ەكى جولاق سوزىلىپ كەلىپ مۇناراعا اينالىپ كەتەدى. بيىكتىكتەرى 90 مەتر بولاتىن قوس مۇنارا قۇبىلاعا قاراي باعىتتالعان. مەشىت سىيىمدىلىعى 1800 ادامعا ارنالعان. ىشىندە ءدارىسحانالار مەن كىتاپحانا دا ورنالاسقان.