اتىراۋدىڭ تۇيە جۇنىنەن جاسالاتىن ونىمىنە يتالياندىقتار قىزىعۋشىلىق تانىتتى

اتىراۋ. قازاقپارات - اتىراۋدا ءۇ ي ي د مەملەكەتتىك باعدارلاماسى بويىنشا قوي جانە تۇيە ءجۇنىن وڭدەيتىن فابريكانىڭ قۇرىلىسى اياقتالىپ كەلەدى. بۇل ونىمگە يتالياندىقتار قىزىعۋشىلىق تانىتتى.

«قازاقستاندا ءجۇن وڭدەۋ ناشار دامىعان، ءبىز وڭىردە بۇل كەمشىلىكتىڭ ورنىن تولتىرۋعا شەشىم قابىلدادىق. فابريكانىڭ جىلدىق قۋاتى 100 توننا تۇيە ءجۇنىن جانە 350 توننا قوي ءجۇنىن وڭدەۋدى كوزدەيدى. فابريكادا 4 مىڭ قۋما مەترگە جۋىق تۇيە جۇنىنەن جاسالعان كورپە شىعارىلادى. ءونىم قازاقستاندا عانا ەمەس، ەكسپورتقا جونەلتىلەدى. العاشقى تاپسىرىس بەرۋشى قازىردىڭ وزىندە بار: بۇل يتالياندىق كومپانيالاردىڭ ءبىرى»، - دەپ حابارلادى وبلىس اكىمى باقتىقوجا ىزمۇحامبەتوۆ فابريكادا بولعان كەزىندە.

جوبا قۇنى - 2 ميلليارد 432 ميلليون تەڭگە. فابريكادا 90 ادام جۇمىسقا يە بولادى.