ق ر ۇكىمەت باسشىسى مينيسترلەرگە قاتەلەسۋگە تىيىم سالدى
ۇكىمەت باسشىسى فورۋم بارىسىندا بايانداما جاساعان ساراپشىلاردىڭ كەيبىر سوزدەرى ۇناعاندىعىن ايتا كەلە:
«ءبىز قازىر ەڭ جاقسى كەزەڭدە ءومىر ءسۇرىپ جاتقانىمىز جايلى ويلاپ جۇرگەن جوقپىز، الايدا ءبىر نەمەسە ەكى جىلدان كەيىن كەزىندە ەڭ جاقسى ۋاقىتتا ءومىر سۇرگەندىگىمىز تۋرالى ەسكە الارمىز. بىزدە وتە ەلەۋلى مۇمكىندىكتەر بار. ەگەر دە وسىنداي پوزيتيۆتىك ۇمتىلىسپەن ويلانساق، وندا بارلىق جەتىستىكتەرگە قول جەتكىزەمىز. ەكىنشىدەن، ماعان بارلىق قاجەتتىلىكتەر داعدارىس كەزىندە ورىن الادى دەگەن پىكىر ۇنادى. قازىرگى داعدارىس سەكىلدى جاعدايدى قاراستىراتىن بولساق، وندا ەڭ جاقسى جەتىستىكتەرگە اياق باسۋمىزعا بارلىق مۇمكىندىكتەرىمىز بار»، - دەپ توقتالدى ق ر پرەمەر- ءمينيسترى.
«ۇشىنشىدەن، «كرەمني القابىن قۇرۋدىڭ قاجەتى جوق، ول ەلگە ءوزى كەلەدى» دەگەن پىكىر ايتىلدى. ياعني، ءبىز ءتيىستى جاعداي جاسايتىن بولساق، كرەمني القابى سەكىلدى الاڭ ەلىمىزدە قالىپتاسادى. اسەت ورەنتاي ۇلى (ق ر ي د م باسشىسى)، كرەمنيي القابى بىزگە ءوزى كەلۋى ءۇشىن بارلىق قاجەتتى جاعدايدى جاساۋىڭىز كەرەك»، - دەپ تاپسىردى ك. ءماسىموۆ
سونىمەن قاتار ۇكىمەت باسشىسى سالاداعى ستارتاپقا قاتىسۋشىلار مەن بيزنەسمەندەردى تەك العا ۇمتىلۋعا شاقىردى.
«وسىندا ءبىرىنشى قاتاردا مينيسترلەر وتىر. سىزدەر قاتەلەسۋگە جول بەرمەۋلەرىڭىز ءتيىس، سەبەبى سىزدەردىڭ جىبەرگەن قاتەلەرىڭىز تىم قىمباتقا ءتۇسۋى مۇمكىن. سوندىقتان دا قاتەلەسۋ تۋرالى مۇلدەم ۇمىتىڭىزدار»، - دەپ قاداپ ايتتى ق ر پرەمەر- ءمينيسترى.
اۆتور: رۋسلان عابباسوۆ