قىتاي تاريحشىلارى مەن قىتايداعى قانداس اقىنداردىڭ جىر جيناعى الماتىدا جارىق كوردى

الماتى. قازاقپارات - بىلتىرعى جىلى قىتايدىڭ كۋيتۋن قالاسىنداعى «ىلە حالىق باسپاسى» مەن الماتىداعى «مەرەي» باسپاسى ەكى ەلدىڭ ادەبيەتى، مادەنيەتى مەن تاريحىن ناسيحاتتاۋ جوباسىن جاساعان بولاتىن.

سونىڭ ناتيجەسىندە تاياۋدا «قازاق اۋىز ادەبيەتىنىڭ قازىناسى» دەگەن سەريامەن التى توم -  «قيسسا- داستاندار»، «شەجىرەلەر مەن ايتىستار»، «ولەڭدەر جانە تۇرمىس- سالت جىرلارى»، «تۇرمىس- سالت جىرلارى»، «حالىق اقىندارىنىڭ ولەڭ- جىرلارى، قيسسا- داستاندارى»، «شەشەندىك سوزدەر، ارناۋلار جانە مىسالدار» قىتايدا جارىق كوردى.

سونىمەن بىرگە، قىتاي تاريحشىلارى ۋاڭ ميڭجى مەن ۋاڭ بيڭحۋا بىرلەسىپ جازعان «ءۇيسىن تۋرالى زەرتتەۋ» كىتابى تاريحشى- پروفەسسور ءنابيجان مۇحامەتحان ۇلىنىڭ اۋدارماسىمەن باسپادان شىقتى. كىتاپتاردىڭ ءارقايسىسىنىڭ تارالىمى ءۇش مىڭ دانادان.

مۇنان وزگە «جىبەك جولى -  جىر جولى» سەرياسىمەن قىتايداعى قانداس اقىندار الماگۇل جۇماجان قىزىنىڭ «جۇرەكجاردى»، قۇرىلىسحان تاليان قىزىنىڭ «ۇكىلىم»، ىنتىماق ءسادۋدىڭ «جانىمدى مىڭ بۇرادىم»، ۆەنەرا قايىرعالي قىزىنىڭ «ساعىنۋعا ءبىر عۇمىرىم جەتپەيدى»، نۇرجان ماناپ ۇلىنىڭ «عاشىقتىق عازالدارى»، ايدىنبەك ءشارىپحان ۇلىنىڭ «مەن سەنى ساعىنعاندا» قاتارلى جىر كىتاپتارى «مەرەي» باسپاسىنان باسىلىپ شىقتى، بۇل تۋرالى «قازاق ادەبيەتى» گازەتى حابارلادى.

كىتاپقا العى ءسوز جازىپ، تالانتتارعا اق جول تىلەگەن بەلگىلى اقىن - عالىم جايلىباي.

بەيسەن سۇلتان ۇلى