قازاقستاندىق قوزى ەتى وزبەكستانعا ەكسپورتتالادى
15:30, 08 - قاراشا 2015
تاشكەنت. قازاقپارات - وزبەكستانعا جەتكىزۋ ءۇشىن جوعارى ساپالى قوزى ەتىنىڭ پارتياسىن دايىنداۋ جۇمىستارى باستالدى.
بۇل ءونىم ءۇشىن ەكسپورتتىق نارىقتا العاشقى تاپسىرىس بەرۋشىلەردىڭ ءبىرى وزبەكستان بولماق. سونداي-اق قازاقستاندىق كاسىپورىندار ۆاكۋۋمدىق ورامادا (قاپتامادا) ەتتى ماسكەۋ مەن سانكت-پەتەربورعا جەتكىزۋ بويىنشا كەلىسسوزدەر جۇرگىزىپ جاتىر.
جوعارى ساپالى قوزى ەتىن ءوندىرۋ جوباسى قازاقستاندا العاش رەت قولعا الىنىپ وتىر.
كاسىپورىن تاۋلىگىنە 1400 باس قوزىنى سويۋعا قاۋقارلى، دەپ جازدى meatinfo.ru باسىلىمى.