استانادا ادەبي- مۋزىكالىق فەستيۆال ءوتتى
قازاقستان حالقى اسسامبلەياسى جىلى اياسىندا وتكەن ءىس-شارانىڭ ۇيىمداستىرۋشىلارى - قازاقستان حالقى اسسامبلەياسى مەن «لاد» رەسپۋبليكالىق سلاۆيان قوزعالىسىنىڭ استانالىق بولىمشەسى.
ۇيىمداستىرۋشىلاردىڭ ايتۋىنشا، فەستيۆالدىڭ باستى ماقساتى - دارىندى جاستاردى تاۋىپ، ولاردىڭ شىعارماشىلىق وسۋىنە، ءتۇرلى حالىقتاردىڭ مادەني داستۇرلەرىن ساقتاۋعا ىقپال ەتەدى. فەستيۆالگە ءارتۇرلى جاستاعى بالالار مەن جاسوسپىرىمدەر، شىعارماشىلىق توپتار، سونىمەن قاتار ساندىك- قولدانبالى ونەر ستۋديالارى، حالىقارالىق دوستىق كلۋبتارى قاتىستى.
جاس ونەرپازداردى تەاترتانۋشىلار، حورەوگرافتار، ونەرتانۋشىلار سىندى بىلىكتى قازىلار القاسى باعالادى. بايقاۋ «ۆوكالدى جانە حور»، «ءبي»، «اسپاپتىق جانر»، «بەينەلەۋ ونەرى» جانە وزگە دە اتالىم بويىنشا وتكىزىلدى.
بايقاۋعا ەلوردالىق ەتنومادەني بىرلەستىكتەردىڭ: «لاد» ر س ق، «ۆايناح» شەشەن-ينگۋشتىق ەتنو- مادەني ورتالىعى، «تاڭ» تاتار-باشقۇرت ەتنو-مادەني ورتالىعى، «ۆوزروجدەنيە» نەمىستەر وداعى جانە «ۆاترا» ۋكرايندىق مادەني ورتالىقتىڭ شىعارماشىلىق ۇجىمدارى قاتىستى.
فەستيۆالدىڭ بارلىق قاتىسۋشىلارىنا ديپلوم مەن باعالى سىيلىقتار بەرىلدى.