ەلباسى فرانسۋز كاسىپكەرلەرى ءۇشىن قازاقستانداعى ىڭعايلى بىرنەشە باعىتتى اتادى
00:12, 06 - قاراشا 2015
پاريج. قازاقپارات - ەلباسى فرانسۋز بيزنەسمەندەرى جۇمىس جاساپ كورۋگە بولاتىن قازاقستانداعى بىرنەشە باعىتتى اتادى.
ناقتىراق ايتقاندا، مەملەكەت باسشىسى نۇرسۇلتان نازاربايەۆ فرانسۋز كاسىپكەرلەرى ءۇشىن قازاقستاننىڭ اۋىل شارۋاشىلىعى، ونىڭ ىشىندە ەت ونىمدەرىن وڭدەۋ، ءسۇت، ءجۇن، تەرى ونەركاسىبى، كوكونىس، جەمىس-جيدەكتەر سالاسىن اتاپ ءوتتى.
«فرانسۋز شارابىن وندىرۋشىلەرمەن بىرگە ءبىز قازاقستاننىڭ وڭتۇستىگىندە 2,5 ميلليون بوتەلكە جوعارى ساپالى شاراپ شىعاراتىن العاشقى زاۋىتتى ىسكە قوستىق. بۇل جۇمىستى جالعاستىرۋ كەرەك. اۋىل شارۋاشىلىعى - ءبىز جۇمىس جاساۋعا بولاتىن تۇتاس سالا. ەكى كومپانيا قالدىقتاردى وڭدەۋ تۋرالى ايتتى. بۇل باعىت قازاقستان ءۇشىن وزەكتى»، - دەدى ەلباسى فرانسيانىڭ ءىرى كومپانيا باسشىلارىمەن كەزدەسۋ بارىسىندا.