اۋەجايعا قونعان ۇشاقتىڭ دوڭگەلەگى جارىلىپ، جولاۋشىلار زارداپ شەكتى

استانا. قازاقپارات - اللاما يكبال حالىقارالىق اۋەجايىندا ازاماتتىق ۇشاقتىڭ اپاتتى جاعدايدا قونۋىنان كەمىندە 10 جولاۋشى زارداپ شەكتى.

پاكىستاندىق Dawn گازەتىنىڭ حابارلاۋىنشا، ەلدىڭ «شاحين ەير» اۋە كومپانياسىنا تيەسىلى كاراچي-لاحور باعىتىنداعى Boeing 737 ۇشاعى بورتىندا 112 جولاۋشى مەن 7 ەكيپاج مۇشەسى بولعان. اۋەجايعا جاقىنداعاندا ۇشقىش ۇشاق دوڭگەلەگىنىڭ اقاۋى تۋرالى حابارلاعان. ۇشاق جەرگە قونعان ساتتە ونىڭ دوڭگەلەكتەرىنىڭ ءبىرى جارىلىپ، اۋە كولىگى ءبىر جاعىنا قاراي اۋىتقىپ، سالدارىنان قاتتى جىلدامدىقتاعى ۇشاق ۇشۋ-قونۋ جولاعىنان شىعىپ كەتكەن.

جولاۋشىلار سىرتقا شىعارىلىپ، وقيعادان زارداپ شەككەن كەمىندە 10 جولاۋشى اۋرۋحانالارعا جەتكىزىلدى.