ق ر ۇلتتىق مۋزەيىندەگى مازمۇندى ەكسپوناتتارى مەن تاريحي جادىگەرلەرى ەلىمىز ءۇشىن ماڭىزدى - گ. ءابدىقالىقوۆا - فوتو

 استانا. قازاقپارات - بۇگىن مەملەكەتتىك حاتشى گۇلشارا ءابدىقالىقوۆا قازاقستان رەسپۋبليكاسى ۇلتتىق مۋزەيىنىڭ جۇمىسىمەن تانىستى.

«ۇلتتىق مۋزەيدە 200 مىڭعا جۋىق ءتۇرلى ەكسپوناتتار بار. بيىل ەلىمىز ءۇشىن ايتۋلى جىل، ياعني ق ر اتا زاڭىنىڭ 20 جىلدىعى، قازاقستان حالقى اسسامبلەياسىنىڭ 20 جىلدىعى، قازاق حاندىعىنىڭ 550 جىلدىعىنا وراي مۋزەيدە كوپتەگەن ءىس- شارالار وتكىزىلىپ، جاڭا ەكسپوناتتارمەن تولىقتى»، - دەدى مەملەكەتتىك حاتشى.

بەلگىلى بولعانداي، 1 - قازانداعى مالىمەت بويىنشا، ۇلتتىق مۋزەيدى  379533 مىڭ ادام (2014 - جىلعى شىلدە- جەلتوقسان ارالىعىندا  124618 ادام، 2015 - جىلعى قاڭتار- قازان ارالىعىندا  254915 ادام) تاماشالادى. ال 18 - مامىر حالىقارالىق مۋزەي كۇنىندە وتكەن «مۋزەيدەگى ءتۇن» اكسياسى كەزىندە ءبىر مەزگىلدە مۋزەيدى 23 مىڭ ادام كەلىپ كوردى.

«سوندىقتان دا وسىنداعى مازمۇندى ەكسپوناتتار، تاريحي جادىگەرلەر وتە ماڭىزدى. ءبىزدىڭ مادەنيەتىمىزدى ناسيحاتتاۋعا ۇلكەن ۇلەس قوسادى دەپ بىلەمىز»، - دەدى گۇلشارا ءابدىقالىقوۆا.

گ. ءابدىحالىقوۆا ۇلتتىق مۋزەيدىڭ وسىعان دەيىن اتقارعان جۇمىستارىنىڭ ەسەبىن تىڭداپ، الداعى جوسپارلار باياندالدى. سونداي- اق مەملەكەتتىك حاتشى تالدى-2 جانە بەرەل قورعاندارىنان تابىلعان جادىگەرلەر جايلى اقپارات الىپ، ۇلتتىق مۋزەيدىڭ «عاسىرلار قويناۋىنان سىر شەرتكەن قازاقستان» جوباسى اياسىندا قازاق حاندىعىنىڭ 550 جىلدىعىنا ارنالعان وتىرار مەملەكەتتىك ارحەولوگيالىق قورىعى مەن «ازىرەت سۇلتان» مەملەكەتتىك تاريحي- مادەني قورىعى مۇراجايلارىنىڭ «تاريحي جادى جانە تاعىلىم»، سونىمەن قاتار قازاقستان حالقى اسسامبلەياسىنىڭ 20 جىلدىعىنا ارنالعان «ۇلتتىق ناتيۋرمورت» اتتى كورمەلەرىن جانە «ماڭگىلىك ەل» تريپتيحىن تاماشالادى.

مۋزەيدىڭ جالپى اۋماعى 74 مىڭ شارشى مەتردى قۇرايدى، ونىڭ ىشىندە ەكسپوزيتسيالىق الاڭ - 14 مىڭ شارشى مەتر. مۋزەيدە قازاقستان تاريحى، ارحەولوگيالىق التىن، ەتنوگرافيا، زاماناۋي ونەر، استانا تاريحى بويىنشا ەكسپوزيتسيالار ورنالاستىرىلعان.