پرەزيدەنت پاريجگە باعىت العان ۇشاق بورتىندا ءبىر قىزدى اجالدان الىپ قالدى

استانا. قازاقپارات - ۋرۋگۆاي پرەزيدەنتى تابارە ۆاسكەس پاريجگە ۇشۋ كەزىندە 17 جاستاعى فرانسۋزدىق قىزعا العاشقى مەديتسينالىق كومەك كورسەتتى، دەپ حابارلادى The Telegraph.

ۆاسكەس ماماندىعى بويىنشا دارىگەر، دەپ جازدى باسىلىم. وقىس وقيعا 26- قازاندا بولعان.

ترانساتلانتيكالىق ۇشۋ كەزىندە قىزدىڭ تىنىسى تارىلا باستاعان. كەيىن بەلگىلى بولعانداي، جەگەن جاڭعاققا اللەرگيالىق رەاكسيا بولعان ەكەن. قىزدىڭ اناسى كومەككە شاقىرعان. ۇشاق كومانديرى جولاۋشىلاردىڭ اراسىندا دارىگەر بار ما دەپ سۇرادى.

75 جاستاعى ۆاسكەس ءوز كومەگىن ۇسىندى. ۋرۋگۆاي پرەزيدەنتى ءوزىنىڭ جەكە دارىگەرىمەن رەانيماتسيالىق شارا ۇيىمداستىردى. بۇل فرانسۋزدىق قىزدىڭ ەسىن جيىپ، پاريجگە امان جەتۋىنە كومەكتەستى. ۇشاق ەكيپاجىنا وزگە اۋەجايعا شۇعىل قونۋ قاجەتتىگى تۋىنداعان جوق.

ۆاسكەس رەسمي ساپارىمەن فرانسيادا ءجۇر.