اراب ينۆەستورلارى ەلورداداعى «تۇلپار- تالگو» زاۋىتىنىڭ جۇمىسىمەن تانىستى - فوتو
ونەركاسىپ 2011 - جىلدان باستاپ جۇمىس ىستەپ كەلەدى. زاۋىت حالىقارالىق ستاندارتتارعا ساي سالىنعان. بۇگىنگى كۇندە «تۇلپار- تالگو» ت م د اۋماعىنداعى تەڭدەسى جوق زاۋىت. ەڭ ءبىرىنشى ۆاگون قۇرامى الماتى- پەتروپاۆل باعىتىندا جونەلتىلدى. بۇگىندە اتالىش پوەزد ماركاسى بۇكىل الەمگە تانىلعان.
زاۋىت اشىلعان كۇننەن بەرى 306 ۆاگون شىعاردى. تەحنولوگياعا سايكەس، ونەركاسىپ جەكە ۆاگون ەمەس، مودۋلدىك تيپتە قۇراستىرىلادى. مۇنداي مودۋلدەر كەم دەگەندە 19 ۆاگوندى قۇرايدى، كەيىننەن وعان ءتورت ۆاگون قوسىلادى. «تۇلپار- تالگو» پويىزىندا ەڭ كوبى 35 ۆاگون بولۋى مۇمكىن.
«تۇلپار- تالگو» ۆاگوندارى مەنشىكتى ۆاگوننىڭ ەلەكتر بەكەتىنىڭ جىلۋىمەن قامتاماسىز ەتىلۋىنە وراي اۋاعا شىعارىلاتىن زياندى قالدىقتار مولشەرى تومەن بولادى. ءبىزدىڭ ەلىمىزدە وندىرىلگەن پويىزدار زاماناۋي تالاپتارعا ساي ءارى جوعارى دەڭگەيدە جاسالعان. قازىرگى تاڭدا زاۋىتتا 392 مامان جۇمىس ىستەيدى. زاۋىتتىڭ جۇكتەمەسى تولىق بولعان كەزدەرى قىزمەتكەرلەرىنىڭ سانى 360 قا ارتادى.
نىسانانى ارالاۋ بارىسىندا زاۋىت وكىلدەرى قازاقستاندىق ونەركاسىپكە ينۆەستيتسيالاۋدىڭ ماڭىزدىلىعىن اتاپ ءوتتى.
ەسكە سالايىق، بۇگىن تاۋەلسىزدىك سارايىندا قازاقستان- ەميراتتىق بيزنەس فورۋم وتۋدە. شارا بارىسىندا وكىلدەر ۇلى جىبەك جولىنىڭ ەۋرازيا كولىك جانە ينفراقۇرىلىم حابى رەتىندە استانانىڭ الەۋەتىن تالقىلادى، دەپ حابارلايدى ەلوردا اكىمدىگىنىڭ باسپا ءسوز قىزمەتى.