ماسكەۋدە حيميا ونەركاسىبىنىڭ حالىقارالىق كورمەسىنە قاتىسۋشىلار قازاقستاندىق وندىرۋشىلەرگە ۇلكەن قىزىعۋشىلىق تانىتتى - فوتو
بيىلعى جىلى اتالعان كولەمدى كونگرەسس- كورمەلىك وقيعا ءوزىنىڭ 50 جىلدىعىن اتاپ ءوتىپ جاتىر.
كورمەنى ر ف ونەركاسىپ جانە ساۋدا مينيسترلىگى، «نيتەحيم» ا ا ق، د. ي. مەندەلەيەۆ اتىنداعى رەسەي حيميا قوعامى، م. ۆ. لومونوسوۆ اتىنداعى م م ۋ- ءدىڭ حيميا فاكۋلتەتىنىڭ كومەگىمەن، ر ف ساۋدا- ونەركاسىپ پالاتاسىنىڭ پاتروناتىمەن «ەكسپوت سەنتر» ۇيىمداستىردى.
«حيميا-2015» رەسەيدە حيميا تاقىرىبىنداعى ەڭ ءىرى جانە بەدەلدى سالالىق فورۋم. قاتىسۋشىلاردىڭ اتاپ وتۋىنشە، كورمە الەمنىڭ كوپتەگەن ەلدەرىندەگى حيميا ونىمدەرىن شىعارۋشىلار مەن تۇتىنۋشىلاردىڭ، الدىڭعى قاتارلى تەحنولوگيالار مەن جابدىقتاردى جەتكىزۋشىلەردىڭ كەزدەسۋى ءۇشىن ءتيىمدى الاڭ بولىپ تابىلادى.
مامانداردىڭ باعالاۋىنشا، كورمە سالانىڭ دامۋ پروتسەسىنە ايتارلىقتاي ىقپال ەتىپ، قاتىسۋشى كومپانيالاردىڭ ءوزارا بايلانىستارىنىڭ نىعايۋىنا سەپتىگىن تيگىزۋدە.
جالپى اۋدانى 20000-نان استام شارشى مەتردى قۇرايتىن مەرەيتويلىق شاراعا 24 ەل: اۆستريا، بەلارۋس، بەلگيا، ۇلى بريتانيا، گەرمانيا، ءۇندىستان، يرلانديا، كانادا، قىتاي، لاتۆيا، ليتۆا، نيدەرلاندى، پورتۋگاليا، رەسەي، كورەيا رەسپۋبليكاسى، سينگاپۋر، ا ق ش، ۋكراينا، فينليانديا، فرانسيا، شۆەيتساريا، ەستونيا، جاپونيادان كەلگەن 400-دەن استام كومپانيا قاتىسىپ وتىر. بەلارۋس، گەرمانيا، قىتاي جانە فرانسيا ەلدەرى ۇلتتىق ەكسپوزيالارىن ۇسىندى.
كورمەگە قازاقستاندىق تاراپتان «قازفوسفات» ج ش س (سارى فوسفوردى، ناتري تريپوليفوسفاتىن، اممافوس، سۋپەرفوسفات، ورتوفوسفور قىشقىلىن ءوندىرۋشى) ، «قازازوت» ج ش س (اممياك سەليتراسى، سۇيىق اممياك، ءالسىز ازوت قىشقىلىن ءوندىرۋشى)، «نوۆوپەك» ج ش س (پوليپروپيلەن قاپتارىن ءوندىرۋشى) قاتىسىپ وتىر.
«بۇگىندە اتالعان كورمەگە ءۇشىنشى رەت قاتىسىپ وتىرمىز. بۇل وقيعا ءبىز ءۇشىن وتە ماڭىزدى، سەبەبى مۇندا تاياۋ جانە قيىر شەتەلدىڭ، سونداي- اق رەسەيدىڭ حيميا سالاسىنداعى باستى كومپانيالارى ۇسىنىلعان»، - دەدى «نوۆوپەك» ج ش س- ءنىڭ كوممەرتسيالىق ديرەكتورى ايدار جاقىپوۆ.
ا. جاقىپوۆتىڭ تۇسىندىرۋىنشە، وسىنداي كورمەلەرگە كومپانيالاردىڭ ءبىرىنشى تۇلعالارى قاتىسادى، بۇل الەۋەتتى سەرىكتەستەر اراسىندا كەلىسسوزدەر جانە كەلىسىمدەر پروتسەسىن ايتارلىقتاي جەڭىلدەتەدى. ول اتالعان كورمەنىڭ بارىسىندا وتاندىق وندىرۋشىلەرگە ۇلكەن قىزىعۋشىلىق تانىتىلعانىن اتاپ ءوتتى.
«ءبىزدىڭ كومپانيامىز ەكسپورتقا باعىتتالعان. اتاپ وتكەندە، تەك رەسەيگە عانا بىزدەن جىلىنا شامامەن 4 ميلليون قاپشىق كەتىپ وتىرادى. بيىلعى جىلى اتالعان كورمەنىڭ اياسىندا ءبىز رەسەيلىك «فوساگرو» كومپانياسىمەن ىنتىماقتاستىق تۋرالى كەلىسىمگە قول قويدىق»، - دەپ ءبولىستى كومپانياسىنىڭ تابىستارىمەن ا. جاقىپوۆ.