پەتروپاۆلدا بالالار كيىمى تىگىلەدى - فوتو

پەتروپاۆل. قازاقپارات - پەتروپاۆل قالاسىنا جاساعان جۇمىس ساپارىنىڭ بارىسىندا سولتۇستىك قازاقستان وبلىسىنىڭ اكىمى ەرىك سۇلتانوۆ «پروگرەسس» ج ش س- ءنىڭ اسكەري جانە نىساندى كيىم- كەشەك دايىنداپ تىگۋمەن اينالىساتىن «پروگرەسس» تىگىن فابريكاسىنا باردى.

«ايماق باسشىسى فابريكانىڭ سەحتارىن قاراپ شىعىپ، ءونىم تۇرلەرىنە، ساتۋ نارىقتارى، سونداي- اق جالاقى دەڭگەيى مەن مامانداردىڭ قامتىلۋىنا قاتىستى سۇراقتار قويدى»، - دەلىنگەن حابارلامادا.

كاسىپورىن ديرەكتورى فابريكادا قازىر 145 ادام جۇمىس ىستەپ جۇرگەنىن، ءبىراق بۇيىمداردى تىگەتىن تاعى شامامەن 80 مامان قاجەت بولىپ وتىرعانىن اتاپ ءوتتى.

فابريكا ءوز ءونىمىن قازاقستاننىڭ بۇكىل اۋماعىنا ەكسپورتتايدى.

قازىرگى كەزدە «پروگرەسس» ج ش س- ءنىڭ تىگىن فابريكاسى جاڭا باعىت: بالالاردىڭ سىرتقى كيىمىن تىگۋدى بەلسەندى يگەرۋدە. ازىرگە بالالارعا ارنالعان تاۋارلار تولىق ەكسپورتتالىپ وتىر.

«بالالارعا ارنالعان ساپالى كيىمدەر شىعارۋ يدەياسى نارىقتا قاجەتتى مودەلدى تابا الماعانىمىزدان كەيىن تۋىندادى. ءوزىمىز كيىم ۇلگىسىن پىشە باستادىق. ناتيجەسىندە 160 مودەل جاسالىپ، «2016 - جىلعى كوكتەم- كۇز» توپتاماسىن قۇردىق. قىركۇيەكتە ول ماسكەۋدەگى كورمەگە بەلسەندى قاتىستى. ءبىزدىڭ فابريكامىز بىردەن رەسەيلىك جانە بەلارۋس كومپانيالارىنان تاپسىرىستار الدى»، - دەپ اتاپ ءوتتى بوريس بۋتىچ.

 قازاقستاندىق تۇتىنۋشى وتاندىق ءوندىرۋشىنىڭ كيىمىن 2016 - جىلدىڭ اقپان ايىندا الا الادى. ول «IRBY» ماركاسىمەن شىعارىلماق.