استاناداعى كورمەدە وتاندىق شاعىن ۇشاق ۇسىنىلدى - فوتو
وعان قازاقستاننىڭ جانە الەمدىك كوشباسشى اگرارشىلار مەن ءىرى ءوندىرۋشى كومپانيالار قاتىسۋدا. شامامەن 22 ەلدەن كەلگەن 1000نان استام دەلەگاتتار تاجىريبە ءبولىسۋ جانە ىنتىماقتاستىق ماسەلەلەرىن تالقىلايدى دەپ كۇتىلۋدە.
كورمەگە مال شارۋاشىلىعىنىڭ، وسىمدىك شارۋاشىلىعىنىڭ تەحنيكالارى جانە جابدىقتارى، مالدى جانە قۇستى باعىپ- كۇتۋدىڭ جۇيەلەرى، سونداي- اق تۇقىمدىق جۇمىستاعى يننوۆاتسيالارى، ۆەتەريناريا جانە ازىقتاندىرۋ يننوۆاتسيالارى ۇسىنىلىپ وتىر.
«KazAgro/KazFarm-2015» قازاقستاندىق حالىقارالىق كورمەلەرى قىسقا مەرزىم ىشىندە رەسپۋبليكانىڭ كاسىبي فەرمەرلەرى ءۇشىن يننوۆاتسيالىق جانە اقپاراتتىق بيزنەس- الاڭىنا اينالىپ، ا و ك وندىرۋشىلەرى مەن تۇتىنۋشىلارى اراسىنداعى قارقىندى ءۇنقاتىسۋعا ىقپال ەتتى، سونداي- اق جاسالعان تۇراقتى ىسكەرلىك بايلانىستاردى نىعايتۋعا جانە جاڭالارىن جاساۋعا كومەكتەسەدى.
كورمەنىڭ باستى ماقساتى - زاماناۋي تەحنولوگيالاردى وندىرىسكە ەنگىزۋ جولىمەن قازاقستاندىق تاۋار وندىرۋشىلەردىڭ باسەكەگە قابىلەتتىلىگىن ارتتىرۋ، ىشكى جانە سىرتقى نارىقتارعا وتاندىق تاۋارلاردى، قىزمەتتەردى شىعارۋ.
ۇيىمداستىرۋشىلار كورمەلەردىڭ قاتىسۋشىلارى جانە كەلۋشىلەرى ءۇشىن قازاقستاندىق جانە شەتەلدىك جەتەكشى تاۋار وندىرۋشىلەردىڭ سوڭعى زەرتتەمەلەرىمەن تانىستىرۋدىڭ بىرەگەي مۇمكىندىگىن ۇسىندى، اتاپ ايتقاندا، تۇتاس تەمىردەن جاسالعان قىسقا قاشىقتىقتا ۇشىپ- قوناتىن 4 ورىندىق «اراي» وتاندىق ۇشاعى تانىستىرىلدى.
جاڭادان شىعارىلعان جابدىقتار اراسىندا: «KAZ KIOTI» ساۋدا بەلگىسىمەن وتاندىق وندىرىستەگى جاڭا قازاقستاندىق برەند، «ZD-flex L» جانە «ZD-flex S plus» ساۋدا بەلگىسىمەن وتاندىق مالعا ەن سالۋ قۇرىلعىلارى، ا س ە ش-8-1, ا س ە ش-8-2 اۋا- جىلۋ ولشەۋ قوندىرعىلارى، «ۆيۋگا» زەرتحانالىق ديىرمەنى، ىلعالدىلىق اناليزاتورلارى، استىق كەپتىرگىشتەر ۇسىنىلدى.
كورمەلەردىڭ ىسكەرلىك باعدارلاماسى بويىنشا وتاندىق جانە شەتەلدىك كومپانيالار اراسىندا ارىپتەستىك تۋرالى مەموراندۋمدارعا قول قويىلادى دەپ جوسپارلانعان.