يندۋستريالاندىرۋ: «تاراز» حيميالىق پاركى» ا ە ا ينفراقۇرىلىم قۇرىلىسىنىڭ ءبىرىنشى كەزەڭىن اياقتايدى

 تاراز. قازاقپارات - وتكەن باسپا ءسوز تۋرى بارىسىندا جۋرناليستەرگە شۋ اۋدانىنداعى «تاراز» حيميالىق پاركى» ا ە ا ارنايى ەكونوميكالىق ايماق ينفراقۇرىلىمىنىڭ نىساندارى تانىستىرىلدى.

ەسكە سالساق، وڭىردە حيميالىق سالانى جوعارى باسىمدىقپەن دامىتۋعا بايلانىستى 2012 - جىلى 2037 - جىلعا دەيىنگى مەرزىمدە قازاقستاندا توعىزىنشى سانالاتىن «تاراز» حيميالىق پاركى» ا ە ا قۇرۋ تۋرالى جارلىعىنا ق ر پرەزيدەنتى قول قويدى.

 جامبىل ءوڭىرىنىڭ اۋقىمدى مينەرالدىق رەسۋرستارى (قازاستاندىق فاسفوريتتى بارلىق قورىنىڭ 90 پايىزى جانە كۆارتسيتتىڭ 65 پايىزى)، جوعارى ترانزيتتىك الەۋەت، حيميالىق ونەركاسىپتىڭ تاريحي قالىپتاسقان قۇرىلىمى، بىلىكتى ماماندارى بار.

 بۇگىندە جامبىلدىق حيميالىق كلاستەر «قازفوسفات»، «ەۆروحيم- ۋدوبرەنيا» جانە «تاراز» حيميالىق پاركى» ا ە ا كومپانيالارىن بىرىكتىرەدى، ونىڭ ءبىرىنشى قاتىسۋشىسى «بىرىككەن حيميالىق كومپانيا» ج ش س، 2012 -جىلى «Jurong» (سينگاپۋر) كومپانياسىمەن قازاقستاندا حيميالىق تەحنوپاركتەردى باسقارۋ جونىندەگى ىنتىماقتاستىق تۋرالى كەلىسىمگە قول قويدى.

 2014 -جىلى «QADAM Industries» («پەستيتسيدتەر مەن باسقا دا اگروحيميالىق ونىمدەر ءوندىرىسى» ) ج ش س جانە « قىزىلوردا مۇناي گاز» («مەتانول ءوندىرىسى» ) ج ش س قاتىسۋشىسى رەتىندە تىركەلدى.

شۋ اۋدانىندا 505 گ ا الاڭدى الىپ جاتقان ا ە ا الەمدىك ستاندارتتارعا سايكەس كەلەتىن باسەكەلەستىگى جوعارى حيميالىق ءونىمدى وندىرۋگە مۇمكىندىك بەرەتىن تيىمدىلىگى جوعارى يننوۆاتسيانى قولدانۋعا باعىتتالعان. بۇل وسىمدىكتەردى قورعاۋ قۇرالدارى، كۇيدىرگىش سودا، جەمشوپ فوسفاتى، پلاستيكالىق قۇبىر، شىنى ىدىس جانە ت. ب. ءوندىرىسى. ا ە ا ينۆەستيتسياسىن الدىن الا باعالاۋ 24,5 ميلليارد تەڭگەنى قۇرايدى. جىل سايىن 75 ميلليارد تەڭگەگە ءونىم شىعارىلادى دەپ كۇتىلۋدە.

ا ە ا قاتىسۋشىلارى ءۇشىن 25 جىلعا سالىقتان بوساتۋ تۇرىندە جەڭىلدىكتەر كوزدەلگەن. مۇندا ا ە ا قۇرۋ كەزىندە تولىقتاي تۇتىناتىن تاۋارلاردى ساتۋ كەزىندە، ق ر ۇكىمەتى ايقىنداعان تاۋارلار تىزبەسى بويىنشا نولدىك ستاۆكامەن قوسىمشا قۇنعا سالىق سالىنادى. ەكسپورت پەن يمپورت كەزىندە ا ە ا قاتىسۋشىلارى كەدەن باجدارىنان بوساتىلادى.

بۇگىندە ا ە ا  اۋماعىندا سىرتقى ينفراقۇرىلىم نىساندارى بويىنشا قۇرىلىس- مونتاجداۋ جۇمىستارى ورىندالدى.

100 تونناعا دەيىن جۇك كوتەرەتىن كولىك جۇرە الاتىن اسفالت جامىلعىسىمەن كىرەبەرىس جولدى شىمكەنتتىك «Kaз Hi Tech Euro Building» كومپانياسى توسەۋدە. ول 98 پايىزعا دايىن. ۇزىندىعى 6,4 شاقىرىم كىرەبەرىس تەمىر جولدى «ISS Engineering» ج ش س سالۋدا، ول 92 پايىزعا دايىن.

 2015 - جىلدىڭ سوڭىنا دەيىن اەا اۋماعىندا تاسوتكەل سۋ قويماسىنان ماگيسترالدىق سۋ قۇبىرىن تارتۋدى جانە سورعى ستانساسىن سالۋ جۇمىستارىن اياقتاۋ جوسپارلانۋدا. قازىر جالپى ۇزىندىعى 70 شاقىرىم بولاتىن سۋ تارتۋ قۇبىرىنىڭ 50 شاقىرىمى تارتىلدى. ۇزىندىعى 7,7 شاقىرىم كاناليزاتسيالىق جۇيە رۇقسات ەتىلگەن نورماعا دەيىن پايدالانىلعان تەحنيكالىق سۋدى تازالاۋدى كوزدەيدى.

ىشكى ينفراقۇرىلىمدا ب ءو پ جانە اكىمشىلىك كورپۋسى سالىنۋدا. سونداي- اق جۇك رەسىمدەۋ پۋنكتى، گاراج، ءورت ءسوندىرۋ دەپوسى جانە باسقا دا ينفراقۇرىلىم نىساندارىن سالۋ جوسپارلانۋدا.

 جامبىل وبلىسى اكىمىنىڭ باسپا ءسوز قىزمەتىندە حابارلاعانداي، «تاراز» حيميالىق پاركى» ا ە ا ينفراقۇرىلىمدىق نىساندارىن سالۋ كەزەكپەن ىسكە اسىرىلادى. ا ە ا العاشقى قاتىسۋشىلارىنىڭ ومىرشەڭدىگىن قولداۋ ءۇشىن ينفراقۇرىلىمنىڭ نەگىزگى نىساندارى ءبىرىنشى كەزەكتە سالىنادى. 16 جوبانىڭ جوبالىق قۋاتىنا شىعۋ 2023 -جىلعا جوسپارلانعان. ا ە ا جوباسى 2,4 مىڭ جۇمىس ورنىن اشادى دەپ كۇتىلۋدە. بۇل ءوڭىردىڭ الەۋمەتتىك- ەكونوميكالىق دامۋىنا وڭ ىقپال ەتەدى.