قازاقستاندا تۇڭعىش رەت تۇرلەندىرىلگەن بيتۋم وندىرىلە باستادى

استانا. قازاقپارات - قازاقستاندا تۇڭعىش رەت تۇرلەندىرىلگەن بيتۋم ءوندىرىسى باستالدى. ول اسفالت بەتونى جابىندىسىنىڭ اۋا رايى قىسىمىنا ءتوزىمدى بولىپ، اۆتوكولىك قوزعالىسى كەزىندە دەفورماتسيالىق توزۋىن شەكتەپ، ەلاستيكالىق جۇمساقتىق بەرەدى دە سول ارقىلى ساپالىق دەڭگەيىن ەداۋىر ارتتىرادى.

«ق م گ- ءو م» ا ق قوعاممەن بايلانىس قىزمەتىنىڭ حابارلاۋىنشا، «CASPI BITUM»  ب ك» ج ش س اقتاۋ بيتۋم زاۋىتىنداعى تۇڭعىش تاجىريبەلىك ونەركاسىپتىك ماقساتتاعى قوندىرعى ىسكە قوسىلدى. ونىڭ جىلدىق وندىرىستىك قۋاتى 120 مىڭ توننا تۇرلەندىرىلگەن بيتۋم شىعارۋعا جەتەدى. بۇل ءونىم قازىرگى تاڭدا رەسپۋبليكالىق ماڭىزى زور «باتىس ەۋروپا-باتىس قىتاي» حالىقارالىق اۆتوكولىك ماگيسترالى قۇرىلىسى نىساندارىنا تاپتىرمايتىن تاۋار ءتۇرى.

تۇرلەندىرىلگەن بيتۋمدى جولعا توسەلەتىن مۇناي بيتۋمى قۇرامىنا پوليمەر SBS (تۇرلەندىرگىشى) قوسىلادى. پوليمەردىڭ بيتۋمعا قوسىلىسى ناتيجەسىندە، جول جابىندىسىنىڭ اۋا رايى قىسىمىنا توزىمدىلىگى 100°س- قا دەيىن بارادى. بۇل قازىرگى پايدالانىمداعى جولعا قاراعاندا الدەقايدا توزىعى جەتۋى ۇدەرىسىن شەكتەيدى.

اقتاۋ بيتۋمىنىڭ ساپاسى قازاقستاننىڭ جاڭا اۆتوكولىك جولدارىنداعى «نۇرلى جول» مەملەكەتتىك باعدارلاماسىنا جۇزەگە اسىرۋدا ونىڭ ۇزاق مەرزىمگە جارامدىلىعى مەن قۇرىلىس جۇمىسىنىڭ سەنىمدىلىگىنە كەپىلدىك ەتەدى.

قازاقستاننىڭ قۇرلىق ارالىق كولىكتىك لوگيستيكالىق حاب رەتىندە قالىپتاسۋىنا، ق ر اۋماعى ارقىلى جۇك اۆتوكولىكتەرى اعىنىنىڭ ارتۋىنا، «قورعاس-شىعىس قاقپاسى» ا ە ا- نان باستالعان جۇك اعىنىنىڭ اقتاۋ تەڭىز پورتىنا مەرياداندىق شەكارالىق دالىزبەن جەتۋىنە زور مۇمكىندىك اشادى.

قازاقستاننىڭ حالىقارالىق اۆتوكولىك ماگيسترالى جول جابىندىسىنىڭ ساپالىق دەڭگەيىن ەداۋىر كوتەرىپ قانا قويماي، ونىڭ وتكىزۋ مۇمكىندىگىن دە تاسقىنداتىپ، جول جوندەۋ ارالىقتارىن ۇزارتىپ، جولعا قىزمەت كورسەتۋ تۇرلەرىنىڭ وڭتايلاندىرىلۋىنا اكەلەدى.

تۇرلەندىرىلگەن بيتۋم مەملەكەت باسشىسى ن. ءا. نازاربايەۆتىڭ باسشىلىعىمەن باستالعان قازاقستاننىڭ تابيعي اۋا رايىنىڭ قاتالدىعىنا بايلانىستى اۆتوكولىك جولدارىنىڭ ساپاسىن كوتەرۋدەگى تىڭ قادام بولىپ وتىر.

تۇڭعىش تۇرلەندىرىلگەن بيتۋمنىڭ العاشقى پارتياسىن شىعارۋ سالتاناتىنا «قازمۇناي گاز-وڭدەۋ جانە ماركەتينگ» ا ق مەن ماڭعىستاۋ وبلىسى اكىمدىگىنىڭ باسشىلارى قاتىسىپ، جاڭا ءونىمدى وندىرىسكە ەنگىزگەندە، اۆتوكولىك سالاسىنا ۇلكەن ەكونوميكالىق ۇنەمدىلىك اكەلەتىندىگىن اتاپ ءوتتى. ياعني، جول جابىندىسىنىڭ پايدالانىلۋ مەرزىمى 1,5-2 ەسەگە ۇزارادى.

تۇرلەندىرىلگەن بيتۋم مۇناي وڭدەۋ سالاسىنداعى جاڭا ونىمدەردىڭ قاتارىنان ءتورتىنشى ورىن الادى. «ق م گ- ءو م» ا ق كاسىپورىندارى بۇعان دەيىن بيىلعى جىل باسىنان بەرى اتىراۋ م  ءو ز- نان ريفورمات، بەنزول جانە پاراكسيلول ونىمدەرىن شىعارعان بولاتىن.

اقتاۋ بيتۋم ءوندىرىسى زاۋىتى قازاقستاننىڭ اۆتوكولىك سالاسىنداعى سۇرانىسىن قاناعاتتاندىرۋ ماقساتىندا جول جابىندىسىن وتاندىق جوعارى ساپالى ماتەريالدان جاساۋ ءۇشىن 2013-جىلى جەلتوقساندا ءۇ ي ي د م ب اياسىندا ىسكە قوسىلعان بولاتىن.

ءوندىرىستى شيكىزاتپەن قامتۋعا قاراجانباس كەن ورنى مۇناي قالدىعى قولدانىلادى. تۇرلەندىرىلگەن بيتۋم ساپاسى ق ر ۇلتتىق ساپا ستاندارتى تالاپتارىنا سايكەس كەلەدى.

«CASPI BITUM» زاۋىتى - «ك م گ- ءو م» ا ءو» ا ق مەن «سيتيك قازاقستان» ج ش س بىرلەسكەن كاسىپورنى، تەڭ دارەجەدە (P/P ۇلەستىك نەگىزدە) قۇرىلعان.