كاسىپكەرلەرگە بيزنەسىن ءارتاراپتاندىراتىن ۋاقىت جەتتى - اسقار ماحامبەتوۆ
«مۇناي باعاسىنىڭ تومەندەۋىنەن كەيىن كوپتەگەن كومپانيالار بيزنەسىن ءارتاراپتاندىرۋ ماسەلەسىن قاراستىرىپ، ناقتى وندىرىسپەن اينالىسۋى قاجەت.
ءبىز «Best-ServiсеLTD» كومپانياسى 10 جىلدان بەرى مۇناي-سەرۆيس سالاسىندا قىزمەت ەتىپ كەلگەن بولاتىنبىز. ءبىراق قازىرگىدەي جاعدايدا قىزمەت باعىتىمىزدى وزگەرتۋدەمىز. ماسكەۋلىك «بۋد كاك دوما» جەلىسىمەن بىرگە جۇمىس جاساۋدامىز. كەلەسى جىلدىڭ قاڭتار ايىنان باستاپ كونديتەرلىك ونىمدەر مەن جەرگىلىكتى جارتىلاي فابريكاتتاردى شىعاراتىن بولامىز.
جوبانى جۇزەگە اسىرۋ بارىسىندا «نۇرلى جول» باعدارلاماسىنىڭ سەپتىگى ايتارلىقتاي تيۋدە. اتالمىش باعدارلاما اياسىندا «بايتەرەك» قورى مەن «ForteBank» ارقىلى جەڭىلدەتىلگەن نەسيە الدىق. ناتيجەسىندە 60 جاڭا جۇمىس ورنىن اشپاقشىمىز. بۇل جۇمىس ورىندارىنا ءبىز بۇرىنعى جۇمىس كولەمىنىڭ ازايىپ كەتۋىنە بايلانىستى قىسقارتۋعا ءماجبۇر بولعان قىزمەتكەرلەرىمىزدى الامىز. ولاردى وقىتىپ، ءتىپتى كەيبىرەۋىن ماسكەۋدە ارنايى تاجىريبەدەن وتكىزەتىن بولامىز»، - دەيدى اسقار ماحامبەتوۆ.
اۆتور: ەلۋباي اۋەزوۆ