گ. گولوۆكين قازاقستاندىقتاردىڭ ءۇمىتىن اقتادى - ەلباسى

استانا. قازاقپارات - ەلباسى نۇرسۇلتان نازاربايەۆ WBA، IBO، IBF جانە WBC interim نۇسقالارى بويىنشا الەم چەمپيونى تيتۋلدارى ءۇشىن جەكپە-جەكتەردە جەڭىسكە جەتكەنى ءۇشىن گەننادي گولوۆكيندى قۇتتىقتادى.

اقوردانىڭ باسپا ءسوز قىزمەتىنەن حابارلاعانداي، مەملەكەت باسشىسى گ. گولوۆكين ونىڭ جەڭىسىنە سەنەتىن قازاقستاندىقتاردىڭ ءۇمىتىن اقتاعانىن اتاپ ءوتتى.

«بەلدى قارسىلاسپەن ءادىل ايقاستا سپورتتاعى جوعارى شەبەرلىگىڭ مەن مارتتىگىڭ ارقىلى ءوز وتانىڭ - قازاقستان رەسپۋبليكاسىن لايىقتى كورسەتە ءبىلدىڭ. جارقىن بەلەستەرىڭ مەن اسەرلى جەتىستىكتەرىڭ ءبىزدىڭ سپورتشىلار ءۇشىن جاقسى ۇلگى بولاتىنىنا، ەلىمىزدەگى بوكستىڭ ودان ءارى دامۋىنا زور ىقپال ەتەتىنىنە سەنىمدىمىن»، - دەلىنگەن قۇتتىقتاۋدا.

ءسوز سوڭىندا قازاقستان پرەزيدەنتى گ. گولوۆكينگە مىقتى دەنساۋلىق جانە جاڭا سپورتتىق شىڭداردى باعىندىرا بەرۋىن تىلەدى.