كاسىپكەرلەرى بيزنەستى دامىتۋ ءۇشىن گرانتتار الدى

وسكەمەن. قازاقپارات - ش ق و كاسىپكەرلەر پالاتاسىنىڭ ريددەر فيليالىندا جەرگىلىكتى بيزنەسمەندەرگە كاسىبىن دامىتۋ ءۇشىن گرانتتار تابىستادى.

ش ق و ك پ فيليالىنىڭ ديرەكتورى ۆاسيلي رۋسيننىڭ سوزىنە قاراعاندا، ايماقتا اۋىل شارۋاشىلىعىن دامىتۋعا كوپ كوڭىل بولىنەدى.

گرانتتىق قامتۋ مونوقالالاردى دامىتۋعا باعىتتالعان. قارجى يننوۆاتسيالىق جوبالارى بار، وزەكتى جوبالار بايقاۋىندا جەڭگەن كاسىپكەرلەرگە بەرىلەدى. بيىل ريددەرگە بۇل ماقساتقا 12 ميلليون تەڭگە ءبولىندى. بايقاۋعا جوباسىن ۇسىنعان كاسىپكەر 3 ميلليون تەڭگەگە دەيىنگى گرانتقا يە بولا الادى.

ريددەرلىك كاسىپكەرلەر 10 جوبا ۇسىندى. ولاردىڭ بەسەۋى جەڭدى.

سالتاناتتى شارانىڭ سوڭىندا جوبالىق سۇيەمەلدەۋ كۋرسى بويىنشا بيزنەس-مەكتەپتىڭ تىڭداۋشىلارىنا سەرتيفيكاتتار تاپسىرىلدى. سونىمەن قاتار، «ەڭبەكپەن قامتۋدىڭ جول كارتاسى-2020» باعدارلاماسى بويىنشا «زاريا» شارۋا قوجالىعىنا 15,5 ميلليون تەڭگە ءبولىندى.