رەسەي تولەرانتتىلىقتا قازاقستان حالقىنان ۇلگى الۋى قاجەت - فوتو
ول بۇل پىكىرىن بۇگىن ەلوردادا ءوتىپ جاتقان قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسىندا ءبىلدىردى.
«وسىناۋ قيىن-قىستاۋ ۋاقىتتا ءبىز قازاقستاندى وسىمەن بىرنەشە مارتە الەمنىڭ رۋحاني استاناسى دەپ اتاۋدامىز. ويتكەنى، ءدال وسى جەردە ەل پرەزيدەنتىنىڭ باسشىلىعىمەن حالىقتاردىڭ رۋحاني كەلىسىمى جايى تۇراقتى تۇردە ايتىلادى. قازاقستان حالقىنىڭ تۇسىنىگىندەگى تولەرانتتىلىق بۇل تەك قانا دوستىق انىقتاماسى ەمەس. بۇل كەلىسىم، بارلىق ازاماتتاردىڭ ءىس-قيمىلىنا جاۋاپكەرشىلىك. مەن قازاقستانعا كەلگەن سايىن قازاقستان حالقىنىڭ وزىنە دەگەن مۇلتىكسىز سەنىمىن سەزىنگەنىم ءۇشىن باقىتتىمىن. ويتكەنى، سىزدەردىڭ ەلدەرىڭىزدە ۇلتارالىق ارازدىق نەمەسە جانجال تۇسىنىگىنىڭ ءوزى دە جوق»، - دەدى ي. كوبزون.
سونىمەن قاتار ول قازاقستان مەن رەسەي اراسىنداعى دوستىق قارىم-قاتىناستىڭ قارقىندى دامۋ ۇستىندە ەكەندىگىن، ونىڭ بۇگىنگى تاڭدا ساياسات پەن ەكونوميكادا، سونىمەن قاتار مادەنيەت سالاسىندا دا ءوز جەمىسىن بەرىپ وتىرعانىن باسا ايتتى. «مەن قازاقستان پرەزيدەنتىنە جانە ونىڭ باستامالارىنا ومىردە جۇزەگە اسىراتىن بارشا ادامعا شەكسىز ريزامىن. اشىعىن ايتقاندا قىزعانىشپەن قارايمىن، مەن رەسەي فەدەرالدى رەسپۋبليكاسى دا قازاقستاننان ۇلگى الار بولسا كەرەمەت بولار ەدى»، - دەدى ول.