بايقوڭىردان «پروتون-م» ۇشىرىلدى

« Turksat-4B سپۋتنيگىمەن «پروتوننىڭ» ۇشىرىلۋى ەسەپتى ۋاقىتتا ورىندالدى»، - دەدى اگەنتتىك سۇحباتتاسۋشىسى.

عارىشتىق اپپاراتتىڭ «بريز-م» ۇدەتكىش بلوگىنان اجىراۋى 17- قازاندا استانا ۋاقىتىمەن 02:49 دا بولدى.

Turksat-4B - تۇرىكتىڭ Turksat Satellite Communication, Cable TV and Operation A.S. سپۋتنيكتىك بايلانىس وپەراتورى ءۇشىن جاپوندىق جەتەكشى Mitsubishi Electric (MELCO) كورپوراتسياسى جاساعان ەكىنشى تەلەكوممۋنيكاتسيالىق عارىشتىق اپپاراتى.

جاڭا سپۋتنيك تۇركيا، ەۋروپا، ورتالىق ازيا، افريكا جانە تاياۋ شىعىس اۋماعىندا حابار تاراتۋدى جانە كەڭجولاقتى بايلانىس قىزمەتىن ۇسىنۋدى قامتاماسىز ەتەدى. Turksat-4B  گەوستاتسيونارلىق وربيتادا شىعىس بويلىقتاعى 50 گرادۋستىق نۇكتەسىندە ورنالاسقان.