نازاربايەۆقا كوستيۋم تىككەن ديزاينەر ونىڭ باعاسىن ايتتى
Made in Kazakhstan كوستيۋمدەرىنىڭ وسى جانە وزگە دە قۇپيالارى جونىندە ديزاينەر ايجاني نۇرلانوۆا اڭگىمەلەپ بەردى.
قازاقستاندىق مودەلەردىڭ ايتۋىنشا، ولار مەملەكەت باسشىسىنا ارنالعان كوستيۋمدەردى ءۇش جىل بويى تىگىپ كەلەدى. «ءبىزدىڭ كاسىپورىن 2013-جىلى اشىلعالى بەرى ءبىز كوستيۋم تىگە باستادىق، پرەزيدەنت نازاربايەۆ كەلگەندە دە، كورمە كەزىندە دە، ءبىز ءوز ءونىمىمىزدى ونىڭ كومەكشىلەرىنە بەردىك. وسى ۋاقىتتىڭ ىشىندە شامامەن بەس كوستيۋم بەرىپ جىبەردىك، مىنە تاياۋدا عانا ەلباسى قازاقستاندىق تاۋارلار ساپاسىنىڭ قانداي ەكەنىن كورسەتە باستادى»، - دەدى وتاندىق كۋتيۋرە.
ديزاينەردىڭ سوزىنە قاراعاندا، نۇرسۇلتان نازاربايەۆقا ارنالىپ تىگىلەتىن كوستيۋمدەردىڭ ماتالارى مەن تەحنولوگياسى قالعان ونىمدەرگە ءدال سولاي قولدانىلادى. «ءبىز ەلباسىنىڭ كوستيۋمىنە التىن ءجىپ نەمەسە ەرەكشە ماتالاردى قولدانعان جوقپىز، الايدا كەيبىرەۋلەر سولاي ويلايتىن سياقتى. پرەزيدەنتتىڭ كيىمىنىڭ وزىندىك باعاسى شامامەن 40 مىڭ تەڭگە. ال ساتىپ الۋشىلار ءدال سونداي كوستيۋمدى دۇكەندەردەن 45 مىڭعا ساتىپ الا الادى»، - دەدى ديزاينەر.
نۇرسۇلتان نازاربايەۆ نيۋ-يوركتە ب ۇ ۇ باس اسسامبلەياسىندا ءسوز سويلەپ تۇر.
«نۇرسۇلتان نازاربايەۆتىڭ كومەكشىلەرىنىڭ ايتۋىنشا، ول ءبىزدىڭ كوستيۋمدەردى شەتەلگە دە قۋانا الا بارادى. بارىنە كورسەتىپ، قازاقستاندا وسىنداي ساپالى دۇنيەلەردىڭ شىعاتىنىمەن ماقتانادى. مىسالى سوڭعى بولعان ءىرى حالىقارالىق ساپارلاردا، ياعني ب ۇ ۇ سامميتىندە جانە سوچيدەگى فورۋمدا مەملەكەت باسشىسى قازاقستاندىق كوستيۋمدەردى كيىپ، كورسەتكەن»، - دەيدى ايجاني.
پارلامەنت ءماجىلىسىنىڭ دەپۋتاتى ۇلاسبەك سادىبەكوۆ.
نۇرلانوۆانىڭ ايتۋىنشا، مەملەكەت باسشىسى ونىڭ كوستيۋمىن كيىپ شىققالى بەرى سۇرانىس كۇرت ۇلعايعان. «ءبىزدىڭ ساتىپ الۋشىلاردىڭ باسىم بولىگى شەنەۋنىكتەر، ولار پرەزيدەنت جارنامالاعاننان كەيىن دۇكەندەرىمىزگە ءوتىنىشتى جاۋدىرا باستادى. باستاپقىدا ولار ساپاسىنا قاراماستان ءبىزدىڭ كوستيۋمدەردى ساتىپ الىپ ءجۇردى. قالاي دەسەم ەكەن، پرەزيدەنتىمىزدىڭ ۇندەۋىنە قولداۋ كورسەتۋ ءۇشىن عانا. الايدا ولار تاۋارلاردىڭ ساپاسىن كورىپ، بىردەن 3-4 كوستيۋمگە تاپسىرىس بەرەتىن بولدى»، - دەدى ايجاني نۇرلانوۆا.
و ق و اكىمى بەيبىت اتامقۇلوۆ. سۋرەت ءايجانيدىڭ جەكە مۇراعاتىنان الىنعان
نۇرلانوۆانىڭ ايتۋىنشا، قازىر ونىڭ كليەنتتەرىنىڭ اراسىندا كوپتەگەن تانىمال مەملەكەت قايراتكەرلەرى، شەنەۋنىكتەر مەن شەتەلدىك قوناقتار بار. «شەتەلدىكتەر ءجيى ساتىپ الاتىن بولدى. مىسالى، ءۇندىستان ەلشىلىگىنىڭ قىزمەتكەرى ءوزىنىڭ يمپەراتورلىق تىگىنشىسىنەن باس تارتتى. ولارعا ءبىزدىڭ تاۋارلار قاتتى ۇنادى، ولاردىڭ ايتۋىنشا، دەنە پىشىندەرىنىڭ كۇردەلىلىگىنە قاراماستان ءبىزدىڭ كيىمدەر ولارعا جاقسى تۇرادى»، - دەدى ول.
ايتا كەتەيىك، كوستيۋمدەردى شىعارۋشى سەح شىمكەنتتە ورنالاسقان، تاۋار باعاسىنا اسەر ەتپەۋ ءۇشىن ارزان جۇمىس كۇشى دە قولدانىلادى. كاسىپورىنداعىلاردىڭ ايتۋىنشا، ورتاشا ەسەپپەن ءبىر مينۋتتا ءبىر كوستيۋم تىگىلەدى، ال كۇنىنە - 400 دانا. ايتا كەتەيىك، مۇنداي كاسىپورىن ەلىمىزدە جالعىز عانا. بۇل فيرمانىڭ ونىمدەرىن شىمكەنتتەگى جانە استاناداعى بۋتيكتەردەن ساتىپ الۋعا بولادى. ايجاني نۇرلانوۆا دۇكەندەرىنىڭ جەلىسىن رەسپۋبليكانىڭ بارلىق ايماعىندا اشۋدى جوسپارلاپ وتىر. ال بۇل تىزىمدە ءبىرىنشى ورىندا قاراعاندى مەن اتىراۋ تۇر، سەبەبى بۇل وڭىرلەردە وتاندىق ونىمدەرگە دەگەن ءىلتيپات وزگەشە.