بۇلتتار اراسىنان بيىك مۇنارالى عيماراتتارى بار زاماناۋي مەگاپوليس ايقىن كوزگە تۇسەدى.
«ەرتەگى قالانى» بىرنەشە مينۋت بويى جۇزدەگەن جەرگىلىكتى تۇرعىن باقىلاعان.
مامانداردىڭ ايتۋىنشا، بۇل فاتا-مورگانا دەگەن اتاۋعا يە ساعىم ءتارىزدى.
YouTube جەلىسىنە سالىنعان بەينەروليكتەرگە قاراعاندا، «اسپانداعى قالا» فوشان ەلدى مەكەنىنىڭ كوگىنەن 7- قازاندا ءجۇزىپ وتسە، 12- قازاندا بۇل قۇبىلىس جياڭشي پروۆينتسياسىنىڭ اسپانىنان بايقالعان. ول جارتى ساعاتقا سوزىلعان، دەپ حابارلايدى Mysterious Universe.
فاتا-مورگانا - بۇل جەردەگى جاننىڭ كوكجيەك شەگىنىڭ ار جاعىنداعى جايتتاردى كورەتىندەي جاعدايلاردىڭ تۋىنداۋى. اتموسفەرا ءتۇرلى تىعىزدىقتاعى جانە ءتۇرلى تەمپەراتۋراداعى قاباتتاردان تۇراتىنىن ەسكەرسەك، اتالعان قاباتتاردىڭ قابىسۋ تۇسىندا جارىقتىڭ شاعىلىسۋى ءۇشىن قولايلى جاعدايلار تۋىندايدى، ساعىم سودان پايدا بولادى.