وڭتۇستىك قازاقستاندا ايەل ادام قوعامدىق ورىندا شەكىلدەۋىك شاققانى ءۇشىن قاماۋعا الىندى

استانا. قازاقپارات - وڭتۇستىك قازاقستان وبلىسىندا ايەل ادام قوعامدىق ورىندا شەكىلدەۋىك شاققانى ءۇشىن قاماۋعا الىندى، - دەپ حابارلايدى tengrinews.kz ءتىلشىسى وبلىستىق سوتتىڭ باسپا ءسوز قىزمەتىنە سىلتەمە جاساپ.

9 -قازاندا وڭتۇستىك قازاقستان وبلىسىنىڭ تۇرعىنى شاۋەلدەر اۋىلىندا ورنالاسقان حالىققا قىزمەت كورسەتۋ ورتالىعى عيماراتىنا كىرە بەرىستە، ياعني، قوعامدىق ورىنعا شەكىلدەۋىكتىڭ قالدىعىن تاستاپ، لاستاعان. وسىعان بايلانىستى پوليتسيا قىزمەتكەرلەرى ايەلدىڭ ۇستىنەن ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىندە بەلگىلەنگەن اكىمشىلىك قۇقىق بۇزۋشىلىقتى جاساعانى ءۇشىن حاتتاما تولتىرعان.

وتىرار اۋداندىق سوتى قۇقىق بۇزۋشىعا قاتىسى اكىمشىلىك ءىستى قارادى. ول كىنالى دەپ تانىلىپ، 4 تاۋلىك مەرزىمگە اكىمشىلىك قاماۋعا الىندى. ايتا كەتەيىك، سوت قاۋلىسى زاڭدى كۇشىنە ەنگەن جوق.