سونىمەن قاتار سۋرەتىڭىزدە كوپ ەلەمەنت قامتىلادى ءارى قانىقتىعى دا اسا قاتتى بولمايدى، جالپى ايتقاندا، سۋرەتىڭىز قاراڭعىدا تۇسىرگەننەن الدەقايدا جاعىمدى بولادى.
2. پورترەتتەر مەن باسقادا شىعارماشىلىق فوتوسەسسيالاردى دا ىمىرتتا تۇسىرگەنىڭىز دۇرىس، ونىمەن ءسىز جاساندى جارىقتاردى پايدالانىپ جاتپاي، كادردىڭ تابيعيلىعىن ساقتايسىز. ەگەردە ءسىزدىڭ وبەكتيۆىڭىزدىڭ جارىق كۇشىنە كۇمانىڭىز بولسا، فوتواپپاراتتى شتاتيۆكە ورنالاستىرىپ ۇستالىمدى 1 سەكۋندقا قويىپ تۇسىرسەڭىز، ويداعىداي شىعادى.
3. ال قالانى قاراڭعى قويۋلانعان ءتۇن كەزىندە ءتۇسىرۋ قاجەت بولسا، سەزىمتالدىقتى (ISO) تومەنگى كورسەتكىشكە ءتۇسىرىڭىز. ياعني 100-200 بەلگىدە، تەك وتە قاجەتتى جاعدايدا عانا كوتەرۋىڭىزگە بولادى. سەزىمتالدىقتى جوعارى كوتەرگەن سايىن سۋرەتتەرىڭىزدە سونشا شۋىل (شۋم)، پايدا بولىپ بوياۋىنىڭ قانىقتىعى ناشارلايدى. سۋرەت قانىق ءتۇسۋى ءۇشىن ۇزاق ۇستالىم، شتاتيۆتىڭ كومەگىن پايدالانىڭىز.
4. ەشقاشاندا فوتواپپاراتتا ورنالاسقان جارقىلداقتى پايدالانباڭىز. ونىڭ ورنىنا ۇزاق ۇستالىمدى جانە كوشە شامى جارقىراي تۇسكەن جارىق جەرلەردى ىزدەڭىز.
5. ەگەر دە ءسىز پەيزاجدان باسقا ادامداردى دا تۇسىرەتىن بولساڭىز، ۆيدەوجارىق نە سوفتبوكستى جارقىلداق قولدانۋىڭىزعا تۋرا كەلەدى.
بۇل قۇرال- جابدىقتار ارقىلى تىم قاراڭعى جەرلەردە تۇسىرگەنىڭىزبەن، كەرەمەت اسەرلەر بەرەرى ءسوزسىز. توي فوتوگرافتارى مەن فوتواڭشىلاردىڭ تۇندە كەرەمەت فوتوسۋرەتتەردى ءتۇسىرۋى وسى سوفتبوكس پەن ۆيدەوجارىقتىڭ ارقاسى.
6. اق بالانستى (بالانس بەلوگو) تۋرالاڭىز. تۇنگى تۇسىرىلىمدە بۇل ماڭىزدى. دۇرىس تاڭدالعان بالانستا، جىلى تۇستەر نە سۋىق تۇستەر وتە جاعىمدى كورىنەتىن بولادى. ءسىز بۇل قويىلىمدى تۇسىرىلىمنەن سوڭ دا بۇرۋىڭىزعا بولادى ( مىنا پروگراممالار ارقىلى Adobe Lightroom جانە Adobe Camera Raw) . نەمەسە ءتۇسىرىلىم كەزىندە دە بۇراۋىڭىزعا بولادى.
7. تۇنگى ساۋلەتتىك (ارحيتەكتۋرالىق) تۇسىرىلىمدە ديافراگمانى ءسال- ءسال جابىڭىز. ورتاشا كورسەتىلىم - f/5.6 - f/16 ارالىعىندا ۇستاڭىز. ارينە، بارلىعى وبەكتيۆكە جانە ءتۇسىرىلىم جاعدايىنا بايلانىستى بولادى. ەگەردە ءسىز ديافراگمانى كاتتى اشساڭىز (مىسالى f/2.8) ، وندا ءسىز ۇساق كورىنىستەردى جوعالتاسىز، شەتكى كورىنىستەر تۇماندانىپ كورىنبەيدى. ال ديافراگمانى تولىق جاباتىن بولساڭىز (مىسالى f/22) ، وندا ساۋلەلى ۇشقىندار تىم وتكىر ال ءبىر جەرلەردەگى ۇساق كورىنىستەر ناشارلايدى. سوندىقتان دا ساۋلەتتى تۇسىرىلىمدە ورتاشا كورسەتكىشتى ۇستاعانىڭىز ءجون.
8. ەگەردە جۇلدىزداردى تۇسىرگىڭىز كەلسە، مەيلىنشە قالادان جانە جارىق شامدارى ءتۇسىپ تۇرعان تاس جولداردان اۋلاققا بارىڭىز.
كەرەمەت سۋرەتتەردى الىس اۋىلداردا نە تاۋدا تۇسىرۋگە بولادى.
جۇلدىزداردى تۇسىرگەندە الدىڭعى (پەرەدنىي پلان) كورىنىستى بوس قالدىرماۋ قاجەت. ول جەردى مۇمكىندىگىنشە جارىعى بار زاتپەن ( ىشىندە شام جاعىلعان پالاتكا نە الاۋ ت. ب ) تولتىرعان دۇرىس. سەبەبى قارا تۇنەكتە تەك جارىق نۇكتەلەردىڭ تۇرعانى اسا اسەر بەرمەسى انىق. ال ەگەردە قوسىمشا تابيعات كورىنىسىنىڭ بولىگىمەن قامتىلار بولسا، جاقسى سۋرەت شىعارى ءسوزسىز.
اۋدارعان اسقار بايسالباي تەگى.
«جاس الاش» گازەتى