قازاقستاندا جەل كۇشەيىپ، تۇمان تۇسەدى، جاڭبىر جاۋادى جانە شاڭدى داۋىل كوتەرىلەدى

استانا. قازاقپارات - قازاقستان اۋماعىنىڭ باسىم بولىگىندە اتموسفەرالىق فرونتالدىق اعىنداردىڭ وتۋىمەن كەي جەرلەردە جاۋىن-شاشىن (كوبىنە جاڭبىر) جاۋادى.

جەل كۇشەيەدى، تۇمان تۇسەدى، رەسپۋبليكانىڭ باتىسى مەن وڭتۇستىك-باتىسىندا عانا كۇن رايى اشىق بولادى.

قازگيدرومەتتىڭ حابارلاۋىنشا، ماڭعىستاۋ، پاۆلودار وبلىستارىنىڭ كەي جەرلەرىندە جەلدىڭ ەكپىنى 15-20 م/س- قا دەيىن كۇشەيەدى.

سولتۇستىك قازاقستان وبلىسىنىڭ كەي جەرلەرىندە تۇمان تۇسەدى، جەل 15-20 م/س- قا دەيىن كۇشەيەدى.

كۇندىز قىزىلوردا وبلىسىندا كەي جەرلەردە جەل 15-20 م/س- قا دەيىن كۇشەيىپ، شاڭدى داۋىل كوتەرىلەدى.

وڭتۇستىك قازاقستان وبلىسىندا تۇندە كەي جەرلەردە تۇمان تۇسەدى، كۇندىز كەي جەرلەردە جەل 15-20 م/س- قا دەيىن كۇشەيەدى.

جامبىل وبلىسىندا كەي جەرلەردە تۇمان تۇسەدى.

الماتى، اتىراۋ، قاراعاندى، شىعىس قازاقستان وبلىستارىندا تۇندە جانە تاڭەرتەڭ كەي جەرلەردە تۇمان تۇسەدى.

سينوپتيكتەردىڭ ەسكەرتۋىنشە، 15-16- قازان كۇندەرى جامبىل، الماتى وبلىستارىندا كەي جەرلەردە جاۋىن-شاشىن تۇسەدى، تۇندە 15- قازاندا تاۋلى اۋدانداردا جاۋىن-شاشىن كۇشەيە تۇسەدى، جاڭبىردىڭ سوڭى جىلبىسقى قارعا اينالادى. اۋانىڭ تەمپەراتۋراسى تۇندە 2-7 گرادۋس جىلىلىققا دەيىن تومەندەيدى، كەي جەرلەردە 3 گرادۋسقا دەيىن سۋىتادى، كۇندىز 8-13، كەي جەرلەردە 16 گرادۋسقا دەيىن جىلى.

سونىمەن بىرگە تاياۋداعى تاۋلىكتەردە قازاقستاننىڭ وڭتۇستىگى مەن وڭتۇستىك-شىعىسىنداعى كەيبىر وزەندەردە باتىس التايدىڭ وزەندەرىندە (بۇقتىرما، تۇرعىسىن، وب، ءۇلبى جانە باسقالارى) جاۋىن-شاشىنعا بايلانىستى سۋ دەڭگەيى كوتەرىلەدى، قازاقستاننىڭ سۋ نىساندارىندا بىرتە-بىرتە سۋ بەتى سالقىنداي تۇسەدى.