«پالەستينا قازاقستاننىڭ تاياۋ شىعىستاعى ماڭىزدى سەرىكتەسى بولىپ سانالادى. ءبىز پالەستينامەن ىنتىماقتاستىقتى كەڭەيتۋگە جانە تەرەڭدەتۋگە زور ماڭىز بەرىپ وتىرمىز. پالەستينا- يزرايل قاقتىعىسىنىڭ وڭ شەشىلمەۋىنە بايلانىستى ءبىزدىڭ ىنتىماقتاستىعىمىزدىڭ الەۋەتى ازىرشە جۇزەگە اسپاي وتىر»، - دەدى ق ر پرەزيدەنتى.
مەملەكەت باسشىسى قازاقستان ءوز تاۋەلسىزدىگىنىڭ العاشقى كۇنىنەن باستاپ بۇكىل پروبلەمالاردى حالىقارالىق قۇقىق نەگىزىندە رەتتەۋدى جاقتاپ كەلە جاتقانىن باسا ايتتى.