«قازىرگى كەزدە ەلدىڭ بارلىق اۋماعىندا كۇشەيتىلگەن رەجىم ەنگىزىلدى. قازاقستانمەن ىنتىماقتاستىق بار، اقپارات الماسۋ ءجۇرىپ جاتىر. حالىقارالىق ىزدەۋ جاريالانعان جوق، ول ءۇشىن العىشارتتار بولماۋدا. ولار ەلدىڭ اۋماعىندا جاسىرىنىپ جۇرگەنى ابدەن مۇمكىن»، - دەپ حابارلادى باسپا ءسوز قىزمەتىنىڭ وكىلى ە. وسمونبايەۆ.
ۆەدومستۆونىڭ باسپا ءسوز حاتشىسى باقىت سەيىتوۆ قازاقستاندىق ارىپتەستەرمەن ءوزارا ىقپالداستىق اياسىندا قىلمىسكەرلەردى ىزدەۋدى جانە ۇستاۋدى قامتاماسىز ەتۋگە مۇمكىندىك بەرەتىن قاجەتتى شارالار وتكىزىلگەنىن اتاپ ءوتتى.
«قازاقستاندىق ارىپتەستەرمەن تىعىز جۇمىس جۇرگىزىلۋدە. ءبىز بارلىق تۇسپالداۋلاردى جىبەردىك. ارىپتەستەرىمىزدىڭ اسا قاۋىپتى قىلمىسكەرلەردى ۇستاۋدا تاجىريبەسى مول. جامبىل وبلىسىندا پوليتسيا كۇشەيتىلگەن رەجىمگە كوشتى. بۇدان باسقا، قىرعىز- قازاق شەكاراسىنداعى شەكارا بەكەتتەرى دە كۇشەيتىلگەن رەجىمدە جۇمىس ىستەپ جاتىر»، - دەپ اتاپ ءوتتى ب. سەيىتوۆ.
بۇعان دەيىن ق ر ۇلتتىق قاۋپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى دارحان ءدىلمانوۆ قىرعىز كۇش قۇرىلىمدارىنىڭ قاشىپ كەتكەن ەكسترەميستەردى وزگەنىڭ كومەگىنسىز ۇستاي الاتىنى تۋرالى پىكىر بىلدىرگەن.
«بولجام بويىنشا، بىزدەن كومەك سۇراۋى ەكىتالاي. قىرعىز بيلىگى ولاردى ءوز اۋماعىندا ۇستاۋعا قابىلەتتى جانە ونى ىستەي الادى دەپ ويلايمىن. قىلمىسكەرلەردىڭ ءبىزدىڭ اۋماعىمىزدا جۇرگەنى تۋرالى قانداي دا ءبىر مالىمەتتەر جوق»، - دەدى تۇسىنىكتەمەسىندە د. ءدىلمانوۆ.
بۇرىن حابارلانعانداي، 12- قازانعا قاراعان ءتۇنى №50 تۇزەۋ مەكەمەسىنەن توعىز سوتتالۋشى قاشىپ كەتكەن. قاشۋ كەزىندە ولار تۇرمەنىڭ ءۇش قىزمەتكەرىن قىلقىندىرىپ ءولتىرىپ، بىرەۋىنىڭ باسىن بىرنەشە رەت بالعامەن سوققىلاعان.
توعىز قاشقىننىڭ بەسەۋى ۇستالدى، ولاردىڭ اراسىنداعى جاراقاتى بار بىرەۋى اۋرۋحاناعا جەتكىزىلدى.
تورتەۋى بوستاندىقتا ءجۇر. ولاردىڭ ەكەۋى ءومىر بويى باس بوستاندىعىنان ايىرۋ جازاسىنا كەسىلگەن ەدى. ەكەۋىنە قاتىستى تەرگەۋ امالدارى جۇرگىزىلگەن. بارلىعى ءدىني ەكسترەميزم مەن لاڭكەستىك ءۇشىن جاۋاپكەرشىلىككە تارتىلعان.