باسىلىمنىڭ مالىمەتىنشە، عالىمدار گەندەردىڭ توبىن انىقتاعان، ەگەر ولاردى الىپ تاستايتىن بولسا ءومىردى كۇرت ۇزارتۋعا بولادى. بۇل زەرتتەۋدىڭ ناتيجەسى 10 جىلدان سوڭ شىقتى جانە ول گەنەتيكا سالاسىنداعى ەڭ ءىرى پروگرەسس بولىپ وتىر. اۆتورلار جۇمىستارىنىڭ ناتيجەسى تۋرالى Cell Metabolism جۋرنالىنا جاريالادى، ولارمەن Independent باسىلىمىنىڭ سايتىندا تانىسۋعا بولادى.
" ۆاشينگتون ۋنيۆەرسيتەتى مەن باك اتىنداعى قارتايۋدى زەرتتەۋ ينستيتۋتىنىڭ (ا ق ش) بازاسىندا قۇرىلعان حالىقارالىق ۇجىم اشىتقىدان (Saccharomyces cerevisiae تۇرىندەگى) 238 گەندى تاپتى، ولاردى الىپ تاستاۋ ارقىلى ءومىردى ۇزارتۋعا بولادى. ماماندار اشىتقىلاردىڭ 4698 شتامىن زەرتتەپ، ولاردىڭ ءارقايسىنان ءبىر- ءبىر گەننەن الىپ تاستاعان"، - دەلىنگەن جاريالانىمدا.
گەنەتيكتەر اعزانىڭ قارتايۋىن باياۋلاتۋ جولدارىن زەرتتەدى. زەرتتەلگەن گەندەردىڭ جارتىسىنا جۋىعى سۇتقورەكتىلەردە، سونىڭ ىشىندە ادامداردا بار بولىپ شىقتى. ەندى عالىمدار سول گەندەردىڭ جۇمىسىن توقتاتاتىن ءدارى- دارمەكتەردى ويلاپ تاۋىپ، ادامداردىڭ ءومىرىن ۇزارتپاقشى. قازىرگى تاڭدا گەنەتيكتەر 238 گەننىڭ وزگەلەرمەن اراداعى بايلانىسى مەن سۇتقورەكتىلەرگە قانداي ماڭىزى بار ەكەنىن زەرتتەپ جاتىر.