بۇكىل الەمنىڭ ساقتاندىرۋ كومپانيالارى چىڭ لۇڭدى قارا تىزىمگە ەنگىزگەن
ول كومەديالىق اتىس- شابىس جانرىنداعى فيلمدەرى ارقىلى كوپشىلىكتىڭ ويىندا «جاقسى موتيۆتى كەيىپكەر» رەتىندە قالعان. كەز كەلگەن ەر ازامات بالا كەزىندە وعان ۇقساپ جۇدىرىقتاسقىسى دا كەلگەن بولار. ەندەشە بەلگىلى اكتەردىڭ ومىرىنەن كوبىمىز بىلە بىلمەيتىن قىزىقتى دەرەكتەردى ۇسىنامىز.
1. جەكي چان تۋىلماي جاتىپ- اق ءبارىن تاڭ قالدىرعان. اكتەردىڭ اناسى 12 اي بالا كوتەرىپ، اكتەردى دۇنيەگە الىپ كەلەدى. ونىڭ تۋىلعان كەزدەگى سالماعى - 5,5 كەلى. اتا- اناسى الىپ بالاسىنا قاراپ، وعان پاو پاو (زەڭبىرەك وعى) دەپ لاقاپ ات قويادى.
2. جەكي چان كەدەي وتباسىندا دۇنيەگە كەلگەن. ول تۋعان كەزدە اكە- شەشەسى اقشادان قىسىلىپ جۇرگەن بولاتىن. مۇنى بىلەتىن اكۋشەر ولارعا ءتيىمدى ۇسىنىس ايتادى. ول گونكونگتاعى بالاسى جوق اعىلشىن دارىگەرلەرىنىڭ بالا ساتىپ العىسى كەلەتىنىن تۇسىندىرەدى. چان وتباسى بالاسىن 25 ا ق ش دوللارىنا ساتۋعا كەلىسىمىن بەرەدى. ءبىراق كەيىننەن جەكي چاننىڭ بيولوگيالىق اتا- اناسى مۇنداي ءتيىمدى كەلىسىمنەن باس تارتادى.
3. جەكي چان - اكتەر ءارى شىعىس جەكپە- جەگىنىڭ شەبەرى. ال ونىڭ ءان سالاتىن ونەرىن ءبىرىمىز بىلسەك، ەندى ءبىرىمىز ودان بەيحابارمىز. جەكي چان 6 جاسقا تولعان كەزدە، اناسى ونى بەيجىڭ وپەرا مەكتەبىنە وقۋعا بەرەدى. جەكي بۇل مەكتەپتە ۆوكالمەن اينالىسادى. مەكتەپتى ءتامامداعاننان كەيىن تابىستى مامانعا اينالعىسى كەلىپ، كاسكادەر بولىپ جۇمىس ىستەيدى. ول كەزدە فيلمدەگى كۇردەلى ەپيزودتاردى ورىنداعانى ءۇشىن قوماقتى قارجى تولەنەتىن بولعان. سودان كەيىن، كينو وندىرىسىنە قىزىعۋشىلىعى ويانىپ، اكتەرلىك قابىلەتىن شىڭداۋ ءۇشىن ءارتۇرلى فيلمدەردىڭ ەكىنشى دارەجەلى رولدەرى مەن ەپيزودتارىنا تۇسەدى. بۇكىل الەمگە تانىمال اكتەر اتانعاننان كەيىن عانا قايتادان ۆوكالمەن اينالىسۋدى ءجون كورەدى. ناتيجەسىندە جەكي چان بۇگىنگە دەيىن 100 دەن استام ءان جازىپ، 20 البومىن جاريالاپ ۇلگەردى. ولاردىڭ باسىم بولىگى ءوزى تۇسكەن فيلمدەردىڭ ساۋدترەگىنە اينالعان.
4. 1970-جىلدارى جەكي چان ءبىر كوزىن پلاستيكالىق وتا جاساۋ ارقىلى ۇلكەيتەدى. «ماسكۇنەم شەبەر» اتتى فيلمنىڭ ءتۇسىرىلىمى كەزىندە بەلگىلى اكتەردىڭ ءبىر كوزىنە زاقىم تيەدى. جەكي چاننىڭ كوزىنە وتا جاساۋعا تۋرا كەلەدى. ناتيجەسىندە زاقىمدانعان كوزى ەكىنشىسىنەن ءبىرشاما ۇلكەندەۋ بولىپ قالادى. دجەكي چان بەتىنىڭ سيممەترياسىن ساقتاۋ ءۇشىن پلاستيكالىق وتا جاساۋشى دارىگەرلەرگە جۇگىنەدى. حيرۋرگتار ونىڭ ساۋ كوزىن ۇلكەيتىپ، اكتەر بەتىنىڭ پروپورتسياسىن بۇرىنعى قالپىنا كەلتىرەدى.
5. جەكي چان ءتورت رەت گينەسس رەكوردتار كىتابىنا ەنگەن. رەكوردتىڭ بىرەۋىن جەتىستىك دەپ ايتۋ قيىن. «ايداھار لوردى» اتتى كومەديالىق فيلمنىڭ سيۋجەتى بويىنشا ماستەر چان قىتاي فۋتبولى ماتچىنا قاتىسۋى ءتيىس بولعان (قىتاي فۋتبولى ءبىز بىلەتىن فۋتبولدان الدەقايدا وزگەشە قۇرىلىم مەن ەرەجەگە يە) . سەناري بويىنشا، اكتەر التى مەتردەن كىشكەنە قاقپاعا قىتاي دوبىن كىرگىزۋى قاجەت ەدى. وسى ەپيزودتى ءتۇسىرۋ ءۇشىن 1600 دۋبل مەن ەكى كۇن ۋاقىت كەتكەن ەكەن. بۇل ءبىر شەبەرلىك ءادىسىن ورىنداۋعا كەتكەن ەڭ كوپ ۋاقىت بولعاندىقتان، دجەكي چان ەسىمى گينەسس رەكوردتار كىتابىنا ەنەدى.
6. دجەكي چان MTV Movie Awards سىيلىعىن كەزدەيسوق يەلەنەدى. 1995 -جىلى اتالعان سىيلىقتى تابىستاۋعا بەلگىلى امەريكالىق رەجيسسەر كۆەنتين تارانتينو شاقىرىلادى. كۆەنتين ءوز كەزەگىندە كەلىسىمىن بەرۋ ءۇشىن ەكى تالابىن ورىنداۋدى سۇرايدى. ول جەكي چاندى سىيلىققا لايىق دەپ تابۋلارىن ايتىپ، سول سىيلىقتى ءوزى تابىستاعىسى كەلەتىنىن مالىمدەيدى. ءىس- شارانى ۇيىمداستىرۋشىلار قارسى بولمايدى. ناتيجەسىندە تارانتينو ءوزىنىڭ بالا كەزىندەگى سۇيىكتى قاھارمانىنا سىيلىقتى ءوز قولىمەن ۇسىنادى.
7. جەكي چان ءوز مانسابىندا 3 مىڭنان استام دەنە جاراقاتىن العان، اياق، قول، ءتىپتى قابىرعا سۇيەكتەرى سىنادى. ناتيجەسىندە بۇكىل الەمنىڭ ساقتاندىرۋ كومپانيالارى چان كومانداسىمەن كەلىسىمگە كەلۋدەن باس تارتادى. ونى قارا تىزىمگە ەنگىزەدى.
massaget.kz