جاقىندا كاسسير بويجەتكەندى تەپكەن استانالىق جىگىتتىڭ ارەكەتىنەن كەيىن ءبىرتالاي نازىك جاندىلاردىڭ قازىرگى زاماناۋي جىگىتتەردەن سەسكەنىپ قالعانى قۇپيا ەمەس. تانىمال قازاق جازۋشىسى دۋلات يسابەكوۆ وسىنداي جىگىتتەردىڭ ارەكەتىنەن تۇتاس حالىقتىڭ مادەنيەتى قانداي دەڭگەيدە ەكەنى بايقالىپ قالادى. بۇل تۋرالى total.kz-كە سىلتەمە جاساپ NUR. KZ حابارلايدى.
دۋلات يسابەكوۆ جاستارمەن ءجيى تىلدەسەدى. جوعارعى وقۋ ورىندارىندا ءدارىس بەرەتىن ول جاس جىگىتتەرگە ءجيى اقىل- كەڭەسىن بەرىپ تۇرادى. جازۋشى قازىرگى جىگىتتەر نازىك جاندىلارعا سىيلاستىق تانىتا ءبىلۋ قاجەت دەپ سانايدى. ول جاستاردىڭ ءار قادامى حالىق مادەنيەتىنىڭ دەڭگەيىن اڭعارتاتىنىن ەسكەرتەدى.
ادامداردا جاناشىرلىق ازايىپ بارادى، مەنمەنشىلدەر ءداۋىرى باستالىپ كەتتى. «ادامداردا جاناشىرلىق ازايىپ بارادى، مەنمەنشىلدەر ءداۋىرى باستالىپ كەتتى. وتباسى مەن مەكتەپتەگى تاربيە ساپاسى دا تومەندەگەن. اۋقاتتى وتباسىنان شىققان بالالار وزدەرىنە ءبارى قىزمەت ەتۋگە مىندەتتى دەگەن كوزقاراسپەن تاربيەلەنۋدە. وزدەرىڭىز ويلاپ كورىڭىزدەر. ءبىز قاتىگەزدىك پەن مەيىرىمسىزدىكتى كىمدەردەن ءجيى بايقايمىز؟ قالتالى، قىزمەتى جوعارى ازاماتتاردىڭ بالالارىنان. مۇنداي تاربيە العان بالالار قاتىگەز بولسا، تابىسى ورتاشا وتباسىنان شىققاندار، كەرىسىنشە سىيلاستىق پەن سابىرلىق دەگەندى جاقسى تۇسىنەدى. مۇنىڭ ءبارى ءبىزدىڭ قوعامدا بايلار مەن كەدەيلەردىڭ اراسىنداعى ايىرماشىلىقتى اڭعارتادى»، - دەيدى جازۋشى.
ءجاميلا ەسىمدى بويجەتكەن فەمينيزيمدى جاقتاۋشىلاردىڭ قاتارىنان ءبىر- اق شىعۋى مۇمكىن ەكەنىن جاسىرمادى. سەبەبى ول قازىرگى زاماننىڭ جىگىتتەرىمەن قانشا ءتىل تابىسۋعا تىرىسقانىمەن، كوڭىلى تالاي قالعان ەكەن. ول جىگىتتەر نەلىكتەن مۇنشالىق وزگەرگەن دەگەن ساۋال قويۋدا.
جىگىتتەر قىزعانشاق، ساراڭ بولىپ بارادى.
«جىگىتتەر قىزعانشاق، ساراڭ بولىپ بارادى. كوبىسى ءبىرىنشى كەزەكتە وزدەرىن ويلايدى. ال بويجەتكەندەر ولاردىڭ استى- ۇستىنە ءتۇسىپ ءجۇرۋى ءتيىس دەپ سانايدى. بارلىق قيىندىقتارعا ءبىز كىنالى بولىپ شىعامىز. مەنىڭ قۇربىمدى كۇيەۋى جاقىندا بالاسىمەن بىرگە تاستاپ كەتتى. ول وزبەكستان تۋماسى ەدى. قۇربىما ۇيلەنىپ، ازاماتتىق العاننان كەيىن ءىزىن سۋىتتى. كولىك ساتىپ الىپ بەرگەن وزگە ايەلگە كەتىپ قالدى. ال قۇربىم بالاسىمەن جالعىز قالدى. جىگىت تەك ءوزىن عانا ويلايتىن بولىپ شىقتى»، - دەيدى ءجاميلا.
جىگىتتەردەن تالاي كوڭىلى قالعان بويجەتكەن ەندىگى تۇرمىس قۇرۋعا اسىقپايتىنىن ايتىپ وتىر.
استانالىق جىگىتتىڭ ارەكەتىنەن كەيىن تاعى ءبىر بويجەتكەن سەكەم الىپ قالعان ەكەن. «بۇگىندە جىگىتتەر ءوزىن ءبىرىنشى كەزەككە قويادى. جاقسىلىق، جاناشىرلىق دەگەندى ۇقپايدى. كوبىسى ساۋاتسىز، ەكى ءسوزدىڭ بىرىنە بالاعات ءسوز قوساتىن مادەنيەتسىز ازاماتتار. ال ولارعا اقىل ايتساڭ، الگى استانالىق جىگىتتەي قول كوتەرۋى دە عاجاپ ەمەس. سول سەبەپتى مەن تاكسيشىلەر مەن قاراپايىم جاس جىگىتتەردەن ساق بولۋعا تىرىسامىن»، - دەيدى 23 جاستاعى اسەل.
ال الەۋمەتتىك جانە گەندەرلىك زەرتتەۋلەر جۇرگىزەتىن عىلىمي- زەرتتتەۋ ينستيتۋتىنىڭ باسشىسى ءزامزا قودار بولسا، بويجەتكەندەردىڭ بۇلاي سويلەۋىنە ميىنا قۇيىلعان ستەرەوتيپتەر سەبەپ دەگەن پىكىردە.
ءار بويجەتكەن جىگىت اقشا تاۋىپ، وتباسىنداعى بار قيىندىقتاردى ەڭسەرە ءبىلۋى ءتيىس دەپ سانايدى.
«مەن قانشاما رەت زەرتتەۋ جۇرگىزدىم. ءار بويجەتكەن جىگىت اقشا تاۋىپ، وتباسىنداعى بار قيىندىقتاردى ەڭسەرە ءبىلۋى ءتيىس دەپ سانايدى. وتباسىن اسىراۋشى دەپ قابىلداۋى كوبىنە شىندىققا جاناسپاي قالادى. ايەلدەر وزدەرى الدەقايدا ارتىق اقشا تابا الاتىندىقتان، ەر كىسىگە دە شارتتارىن قاتايتا تۇسەدى. ال جىگىتتەر مۇنداي تالاپتارعا جاۋاپ قايتارۋعا قاۋقارسىز كۇيدە بولادى»، - دەيدى ءزامزا.
پسيحولوگ اننا قۇدياروۆا بولسا، دورەكى، قاتىگەز جىگىتتەر بارلىق زاماندا بولىپ كەلگەنىن العا تارتتى. بار ايىرماشىلىعى - ول كەزدە جاسىرىن قالاتىن جاعدايلار بۇگىندە ەلدىڭ نازارىنا بىردەن ىلىگەدى دەيدى مامان.
بارلىق زاماندا قاتىگەز جىگىتتەر دە، جاقسى جىگىتتەر دە بولعان. قايىرىمدى جىگىتتەر بۇگىن دە بارشىلىق
«بارلىق زاماندا قاتىگەز جىگىتتەر دە، جاقسى جىگىتتەر دە بولعان. قايىرىمدى جىگىتتەر بۇگىن دە بارشىلىق. تەك بۇرىندا تەلەارنالار، راديو مەن ينتەرنەت- پورتالدار بولعان ەمەس. كوبىسى جامانات حاباردى ەستىمەيتىن. ەندى ءبارى جامان دەپ، حالىق ءتۇڭىلىپ كەتكەن. ءبىراق ولاي ەمەس قوي. اسپان كوك، ال بۇلت اق، ءبارى تاماشا»، - دەيدى پسيحولوگ.