سونداي-اق ەلدە قايعىلى وقيعا جايلى ب ا ق- تاردا ماتەريالداردى جاريالاۋعا شەكتەۋ ەنگىزىلدى.
ۇكىمەت «فەيسبۋك» پەن «تۆيتتەر» جەلىلەرىنە قاۋىپسىزدىك ماقساتىندا تىيىم سالىپ وتىر.
ەسكە سالايىق، انكارادا 10 -قازاندا ورىن العان ەكى قۋاتتى جارىلىس سالدارىنان 97 ادام كوز جۇمدى، 246 ادام ءالى اۋرۋحانالاردا جاتىر.
«شەنەۋنىكتەر ەلدە دۇربەلەڭ تۋدىرماس ءۇشىن ازاماتتاردىڭ اقپاراتتارعا قولجەتىمدىلىگىن شەكتەۋدە. الەۋمەتتىك جەلىلەر پايدالانۋشىلارى «فەيسبۋك» پەن «تۆيتتەر» - گە ءار كىرگەن سايىن ولار نەعۇرلىم باياۋلاپ جۇمىس ىستەيتىن بولادى. بۇل توتەنشە جاعداي جاعدايلارىندا قولدانىلاتىن ارەكەت»، - دەدى كومپيۋتەرلىك تەحنولوگيالار مامانى فيۋرسۋپ ساپ نەبيل.
تۇركيا پرەمەر-ءمينيسترى احمەت داۆۋتوگلۋدىڭ ايتۋىنشا، تەراكتىنى جاساعان باستى كۇدىكتىلەر - يسلام مەملەكەتىنىڭ وكىلدەرى.