الەمدەگى جالعىز ۇيعىر تەاترى قازاقستاندا - ە. توعجانوۆ

استانا. قازاقپارات - الەمدە جالعىز ۇيعىر تەاترى بولسا، ونىڭ ءوزى قازاقستاندا ورنالاسقان. بۇگىن رۋمىنيا س ءى م مەملەكەتتىك حاتشىسى سەباستەان حوتكامەن كەزدەسكەن ق ح ا ءتوراعاسىنىڭ ورىنباسارى جانە حاتشىلىق مەڭگەرۋشىسى ە. توعجانوۆ وسىلاي مالىمدەدى.

«قازاقستاندا 6 ۇلتتىق تەاتر بار. ولاردىڭ قاتارىندا الەمدەگى جالعىز ۇيعىر تەاترى بار. سونداي-اق، وزبەك، كورەي، نەمىس تەاترلارى كورەرمەندەردىڭ ىقىلاسىنا بولەنىپ ءجۇر. سونداي-اق، ەلىمىزدە 37 ەتنيكالىق گازەت، 192 تىلدەردى زەرتتەۋ ورتالىقتارى جۇمىس ىستەيدى. ءار وبلىستا دوستىق ۇيلەرى بار، ولاردىڭ ءتوراعالارى وبلىس اكىمدەرى بولىپ تابىلادى.

بەيبىتشىلىك جانە كەلىسىم سارايى دا پرەزيدەنتىمىزدىڭ باستاماسىمەن سالىنعان. اسسامبلەيا سەسسيالارى مەن باسقا دا ماڭىزدى شارالار وسى سارايدا وتكىزىلىپ تۇرادى. سوڭعى 2 جىلدا 23 ەلدىڭ وكىلدەرىن قابىلدادىم، ولارمەن ءتۇرلى مەموراندۋمدارعا كەلدىك»، - دەدى رۋمىنيا وكىلدەرىنە قازاقستان حالقى اسسامبلەياسى، ونىڭ قىزمەتى، ماقساتى تۋرالى بايانداعان ەرالى توعجانوۆ.

قازىرگى ۋاقىتتا بەيبىتشىلىك جانە كەلىسىم سارايىندا ەكى ەل اراسىنداعى مادەني، گۋمانيتارلىق، ەتنوسارالىق بايلانىستى دامىتۋ ماسەلەلەرى تالقىلانىپ جاتىر.

Baq.kz