وندا رەسەيدەگى ماسوندىق ءبولىمنىڭ شەبەرى اندرەي بوگدانوۆ ءوزىنىڭ Facebook-تەگى پاراقشاسىنا الماتىدا وتكەن ماسونداردىڭ قۇپيا ءبولىمىنىڭ وتىرىسىنداعى سۋرەتتەردى سالعان.
سۋرەتتەردەن بەلگىلى بولعانداي، وتىرىس الماتى ماڭىنداعى "اق بۇلاق" تاۋلى شيپاجايىندا وتكەن.
سۋرەتتەن قۇپيا ءبولىم مۇشەلەرىنىڭ تۇرلەرىن ايقىن كورۋگە بولادى.
ماقسات- مۇددەسى قازاق قوعامىنا مۇلدە تۇسىنىكسىز بۇل بولىمشەنىڭ اشىلۋىنان قازاق قوعامى نە نارسەدەن ۇتىلىپ، نە نارسەدە ۇتىلۋى مۇمكىن، جالپى مۇنداي ۇيىمداردىڭ قىزمەتى قانشالىقتى زاڭدى ەكەنىن بىلمەك نيەتپەن بەلگىلى ساياساتتانۋشى، قوعام بەلسەندىسى ايدوس سارىمعا حابارلاسىپ، ءمان- جايدى انىقتاۋعا تىرىسقان ەدىك.
«قوعامدا ماسوندارعا قاتىستى قاتە پىكىر قالىپتاسقان. شىن مانىندە ماسوندىقتار الەمدى باسقارعان دا ەمەس. ول ۇيىمنىڭ نەگىزگى ماقساتى - ءار ەلدەن بولىمشەلەر اشىپ، جەرگىلىكتى كاسىپكەرلەردەن اقشا جيناۋ. كەي كەزدەردە ۇيىم مۇشەلىگىن ساتۋ ارقىلى دا اقشا جاسايدى. جينالعان قارجىعا ماسوندار ۇيىمىنا قابىلداناتىندار ءۇشىن ارنايى كيىم- كەشەك تىكتىرىپ، كۇندەلىكتى ءجۇرىپ- تۇرۋلارىنا قاجەت شىعىنداردى جاۋىپ وتىرادى» ، - دەدى ايدوس سارىم.
ونىڭ ايتۋىنشا، الەمدە بۇل ۇيىمنان بولەك ساكرات، پلاتون سەكىلدى ۇلى عالىمدار اتىمەن اتالاتىن ۇيىمدار دا جۇمىس ىستەيدى ەكەن. ال ولاردىڭ اتقاراتىن قىزمەتىنىڭ باعىتى ءار ءتۇرلى بولعانىمەن جۇمىس ىستەۋ ءتاسىلى ءبىر. ياعني ولاردىڭ بارلىعى كاسىپكەرلەردى يلاندىرا وتىرىپ، اقشا جيناۋ ارقىلى قوعامدا تىڭ باستامالار، شىنايى وزگەرىستەر ەنگىزىپ جاتقانداي اسەر قالدىرۋدى كوزدەيدى.
وكىنىشتىسى ماسوندىقتاردىڭ قازاقستان بويىنشا اشىپ وتىرعان بۇل بولىمشەسىنە ۇلت كوشباسشىسى ءاليحان بوكەيحانوۆ ەسىمىنىڭ بەرىلۋىندە بولىپ وتىر. ايدوس سارىمنىڭ سوزىنە قاراعاندا، ءاليحان بوكەيحانوۆ الاش وردا ۇكىمەتىن قۇرۋعا تالپىنعان شاقتا بۇل ۇيىمعا مۇشەلىككە كىرگەنى راس. الايدا ارادا بىرەر ۋاقىت وتكەندە ول ۇيىمنان قازاققا كەلىپ- كەتەر پايدا بولمايتىنىن ۇققان بويدا مۇشەلىكتەن سانالى تۇردە شىعىپ كەتكەن.
قوعامدا قازاق ۇلىلارىنىڭ ەسىمىن پايدالانىپ، وزدەرىنىڭ جىمىسقى ساياساتىن جۇزەگە اسىرۋعا تالپىنعاندارعا قاتىستى بۇل العاشقى وقيعا ەمەس.
ەستەرىڭىزدە بولسا وتكەن جىلى عالامتوردا قازاقتىڭ كۇيشىسى قۇرمانعازى مەن ورىستىڭ اقىنى پۋشكين ءسۇيىسىپ تۇرعان جارناما جاريالانعاننان كەيىن، قوعامدا شۋ شىققان بولاتىن.
ول ۋاقىتتا الەۋمەتتىك جەلى پايدالانۋشىلارى مۇنى قوس ەلدىڭ ارداقتىسىن قورلاۋ دەپ باعالانعان. مۇنداي باسسىزدىققا بەي- جاي قاراپ قالماعان ءبىرقاتار بەلسەندى ازاماتتار مەن قۇرمانعازى ۇرپاقتارى ول پوستەردى جاساۋشىلارعا قارسى ارىزدانىپ، سوتتا جەڭىپ شىققان بولاتىن. جانە ايىپتالۋشىلارعا 34 ميلليون تەڭگە مولشەرىندە وتەماقى تولەۋ مىندەتتەلگەن بولاتىن
Alashainasy.kz