دۇنيەنىڭ تورىنە ۇمتىلعاندار توردەن ورىن الىپ جاتىر. ۇمتىلماعاندار ەسىكتە قالىپ جاتىر... قالمايىق دەسەك، قاراپ جاتپالىق. كوپ ىسىنە، كوپ بولىپ جابىلايىق... قولىمنان نە كەلەدى دەپ قورىنبايىق. ۇلتىڭا قىزمەت ەتۋگە نيەت بولسا، جۇمىس تابىلادى. كوپ جۇمىستىڭ اۋىرى دا، جەڭىلى دە بولادى. قازاقتىڭ ءبىتىپ، تىنىپ تۇرعان نارسەسى جوق. اركىم الىنەن كەلەر جۇمىسىن السىن. جادىمىزدا بولسىن، از نارسە كوپكە سەپ بولماقشى. ءسال دەمەۋ زورعا سۇيەۋ بولادى. ۇلى ءىس ۇساقتان ۇلعايادى... ۇلت ءۇشىن كۇشتىڭ ۇلعايۋىنا ۇلەس قوسۋ قازاق بالاسىنا مىندەت. «ەلىن قورعايتىن ەر بولايىق! ەرىن قولدايتىن ەل بولايىق!» قاي ءىسىمىزدىڭ دە قۇداي ءساتىن سالعاي! «ءاۋمين» دەپ قول جايىپ، «ءاۋپ» دەپ كۇش قوسىپ، «اللا» دەپ ىسكە كىرىسەيىك!!!»
احمەت بايتۇرسىن ۇلى