ماسكەۋدە الەمدىك دەڭگەيدەگى قۇران جارىسى وتەدى
10:32, 09 - قازان 2015
استانا. قازاقپارات - 11- قازان كۇنى ماسكەۋ قالاسىندا رەسەي سىرتقى ىستەر مينيسترلىگى، مادەنيەت مينيسترلىگى جانە ماسكەۋ ۇكىمەتىنىڭ قولداۋىمەن الەمدىك دەڭگەيدە قاسيەتتى قۇران جارىسى وتپەك، دەپ حابارلانعان قازاقستان مۇسىلماندارى ءدىني باسقارماسىنىڭ سايتىندا.
اتالمىش جارىسقا الەمنىڭ 44 ەلىنىڭ بىلىكتى حافيزدەرى قاتىسادى. ال جارىستىڭ ەرەكشە قوناعى رەتىندە ءال-حارام مەشىتىنىڭ يمامى ماھير ءال-مۋايكيلي شاقىرىلعان.
اتاپ كەتسەك، بۇل قۇران جارىسى بۇعان دەيىن بەدەلدى عالىمدار تاراپىنان يسلام الەمىندەگى ەڭ جوعارعى دارەجەدەگى جارىس دەپ مويىندالعان.