الماتىدا تۇڭعىش رەت «اشىق كوشەلەر» فەستيۆالى وتەدى
بۇل تۋرالى بۇگىن الماتى قالالىق مادەنيەت باسقارماسىنىڭ باسپا ءسوز قىزمەتىنەن حابارلادى.
فەستيۆال اياسىندا قاراساي باتىر، پانفيلوۆ جانە ايتەكە ءبي كوشەلەرى مەن ابىلاي حان داڭعىلىندا تاڭعى ساعات 09:00 دەن 14:00 گە دەيىن اۆتوكولىك قوزعالىسى ۋاقىتشا توقتاتىلادى. كوشەلەر قالا تۇرعىندارىنىڭ پايدالانۋىنا بەرىلەدى. وندا ازاماتتار ەمىن-ەركىن دەم الىپ، سەرۋەن قۇرىپ، ۆەلوسيپەد تەبە الادى.
سونىمەن قاتار، «اشىق كوشەلەر» فەستيۆالىنە كەلگەندەر سپورت جانە ءبي بايقاۋلارىنا قاتىساتىن بولادى. سۋرەت سالىپ، يوگامەن اينالىسۋعا دا مۇمكىندىك بار. بۇدان وزگە، قالا تۇرعىندارى جول قوزعالىسى قاۋىپسىزدىگى تۋرالى تەاترلاندىرىلعان كورسەتىلىمدى تاماشالاي الادى. ال فەستيۆالدىڭ ساياباقتىق ايماعىندا موبيلدى كىتاپحانا، ۆەلوسيپەد تەبۋدى ۇيرەتۋ بويىنشا شەبەرلىك سىنىبى جانە پانفيلوۆ كوشەسىندە ورنالاسقان مەترو بەكەتى الدىندا ۆەلوپروكات ۇيىمداستىرىلادى. سونىمەن قاتار، سول كۇنى تاڭعى ساعات 08:00 بەن 09:00 ارالىعىندا ۆەلوشەرۋ ۇيىمداستىرىلادى. وعان قاتىسۋشىلار اباي داڭعىلىنان باستاپ، ابىلاي داڭعىلى بويىمەن استانا الاڭىنا دەيىن ءجۇرىپ وتەدى.
اۆتور: جاپپاربەرگەن ايبوتا