گۋننار گارفورس ەسىمدى نورۆەگ ساياحاتشىسى ءوزىنىڭ جەكە سايتىندا 198 ەلدى قالاي ساناعانىن جازادى. راسىندا ب ۇ ۇ مۇشە ەلدەر سانى نەبارى - 193. ال الەمنىڭ كوپتەگەن ەلدەرى تاۋەلسىزدىگىن مويىنداعان پالەستينا مەن ۆاتيكان ب ۇ ۇ- عا مۇشە ەمەس. سونىمەن قاتار، حالىقارالىق ۇيىمنىڭ جارتىلاي مويىنداعان ەلدەرىنىڭ قاتارىندا كوسوۆو، باتىس ساحارا (سادر) جانە تايۋان مەملەكەتتەرى بار. نازارلارىڭىزعا بۇكىل الەمدى شارلاپ شىققان ساياحاتشىنىڭ كەڭەستەرىن ۇسىنامىز.
1. باراتىن ولكەنىن كارتالارىن الدىن الا دايىنداڭىز
وزىڭىزگە بەلگىسىز بولعان ەلگە ساياحاتقا شىقپاس بۇرىن سمارتفونىڭىزعا قاجەت بولاتىن ونلاين كارتالاردى جۇكتەپ الىڭىز. وسىلاي ءسىز ينتەرنەت روۋمينگىندە اقشا ۇنەمدەي الاسىز. ارينە Wi-Fi بار بولۋى مۇمكىن. دەگەنمەن ول كەز كەلگەن ەلدە قولجەتىمدى بولا بەرمەيدى. ءتىپتى اقىلى بولاتىن جەرلەر دە كەزدەسەدى.
2. قولما- قول اقشا الىپ ءجۇرىڭىز
نورۆەگيادا نەسيە كارتاسىن كەز كەلگەن زاتتى ساتىپ الۋ ءۇشىن قولدانا الامىز. دەگەنمەن بانكومات قىزمەتى زامبيا، پاناما نەمەسە تۋۆالۋ سىندى ەلدەردە جوق. سايكەسىنشە ەشقانداي بانك كارتاسىن قولدانا المايسىز. ا ق ش دوللارى الەمدەگى بارلىق ەلدە قولدانىلادى. ال ەۋرو ەۋروپا ەلدەرىنىڭ بۇرىڭعى وتار ەلدەرىندە سۇرانىسقا يە.
جولدا مۇقيات بولعان ءجون. ءسىزدى جارتى جولدا قالدىراتىن الاياقتار مەن ءاميانىڭىزدى قول سۇعاتىن تاجىريبەلى ۇرىلار ءجيى كەزدەسەدى. كەيدە پوليسەيلەر دە دورەكىلىك تانىتىپ، اقشا تالاپ ەتەدى. سوندىقتان قولما- قول اقشاڭىزدىڭ كوپ بولىگىن ىشكى قالتالارىڭىزدا ساقتاڭىز. ال ۇساق اقشالاردى ارنايى وسىنداي جاعدايلارعا ءبولىپ الىڭىز.
3. ساياحات بارىسىندا كوپ ۋايىمعا سالىنباڭىز
ساياحاتقا دەمالۋ ءۇشىن شىققاندىقتان، ۇيدەگى نە جۇمىستاعى ماسەلەلەردى ءبىرشاما ۋاقىتقا ۇمىتىڭىز. وزىڭىزبەن بىرگە كوپ جۇك تە الىپ شىقپاڭىز. سەبەبى كەيبىر تاسىمال وكىلدەرى جۇكتىڭ كولەمىنە قاراي ارتىق اقشا تولەۋدى تالاپ ەتەدى. ودان بولەك، اۋىر جۇكپەن ساياحاتتىڭ ءلاززاتىنا بولەنە المايسىز.
4. گادجەت اداپتەرلەرىن ۇمىتپاڭىز
قازىرگى تاڭداعى گادجەتتەردىڭ باتارەياسى كۇندەلىكتى قۋاتتاۋدى تالاپ ەتەدى. سوندىقتان سمارتفون اكسەسسۋارلارىن باراتىن ەلدىڭ روزەتكاسىنا سايكەس كەلۋىن مۇقيات تەكسەرىڭىز. ا ق ش، ۇلىبريتانيا سىندى ەلدەردە ولار ءارتۇرلى بولادى.
5. بيلەتتەر مەن بايلانىس نومەرلەرىن قاعازعا شىعارىپ الىڭىز
كەيبىر ەلدەردىڭ شەكارا قىزمەتىنە كەرى ۇشاتىن بيلەتىڭىزدى كورسەتپەسەڭىز، تەرريتورياعا كىرگىزبەيدى. اسىرەسە بۇل ا ق ش- تا مۇقيات تەكسەرىلەدى. سونىمەن قاتار، ۋاقىتشا تۇراقتايتىن قوناق ۇيگە جاساعان برونىڭىزدى تالاپ ەتۋى ىقتيمال. ارينە مۇنداي ماعلۇماتتار سمارتفونىڭىزدا نەمەسە پلانشەتىڭىزدە جۇكتەلگەن بولۋى مۇمكىن. دەگەنمەن شەكارادا گادجەتتەرىڭىزدى اشىپ كورسەتپەگەنىڭىز ءجون. شەكاراشىلار ولاردى تارتىپ الۋى مۇمكىن.
6. جەرگىلىكتى ەلدىڭ تاعامىن تۇتىنىڭىز
شىندىعىندا، ازياعا ساياحات جاساپ، ۇنەمى ەۋروپا تۇرعىندارىنىڭ ادەتكى تاعامدارىن تۇتىنا المايسىز. ءارتۇرلى جاندىكتەردىڭ قۇرامىندا ادام اعزاسىنا پايدالى اقۋىزدار مول بولادى. ونىڭ تۇتىنا الماعانىڭىزدىڭ وزىندە، ازيالىقتاردىڭ جاندىكتەرگە دەگەن تابەتىن ءوز كوزىڭىزبەن كورەسىز.
massaget.kz