مەملەكەت اقشاسىن قيساپسىز جۇمساعان «الجير» مۇراجايلىق-مەموريالدىق كەشەنى تەكسەرىلۋ ۇستىندە

 تەكسەرۋشىلەر ساياسي قۋعىن-سۇرگىن مەن اشارشىلىق قۇرباندارى كۇنىنە ەش قاتىسى جوق ءىس- شارالارعا 7 ميلليون تەڭگەدەن استام نەگىزسىز شىعىنداردى انىقتادى.

بۇل سوما «Vip كەيتەرينگ» كوشپەلى شىعۋ قىزمەتتەرىن كورسەتۋ بويىنشا قابىلداۋ قىزمەتىنە شىعىندالعان.

بىلىكتىلىكتى راستايتىن قۇجاتتارى، ديپلومدارى جانە سەرتيفيكاتتارى جوق جەكە تۇلعالارمەن رەجيسسەرلىك- قويۋ قىزمەتتەرىن كورسەتۋگە شارتتار جاساۋدا دا بۇزۋشىلىقتار انىقتالعان. نەگىزسىز جۇمسالعان قارجى سوماسى 1,1 ميلليون تەڭگەدەن اسادى.

تەكسەرۋ بارىسىندا «الجير» م م ك باسشىلىعى بيۋدجەتتىك قارجىنى شىعىنداۋدان وزدەرىن دە قۇر قالدىرماعانى بەلگىلى بولدى. وسىلايشا، جالپى سوماسى 1,9 ميلليون تەڭگە كولەمىندەگى ەڭبەكاقىعا نەگىزسىز تولەمدەر، سىياقىلار جانە ماتەريالدىق كومەك ديرەكتورعا، ورىنباسارلارىنا جانە باس ەسەپشىگە تولەنگەن. ءتىپتى ءبىر ايدان كەم جۇمىس ىستەگەن قىزمەتكەرلەرگە دە زاڭناما تالاپتارىنا قايشى 127,9 مىڭ تەڭگە سوماسىنداعى سىياقى تولەنگەن. 1113100 تەڭگە سوماسىنداعى ەڭبەكاقىنى كاسسا ارقىلى تولەۋ ايعاقتارى انىقتالدى.

مەملەكەتتىك بيۋدجەت ەسەبىنەن 9,4 مىڭ تەڭگەگە ۇشاقپەن ۇشۋ تولەمدەرىنە شىعىندار جانە 92,6 مىڭ تەڭگە سوماداعى ۇيالى بايلانىس شىعىندارىنا جۇمسالعان.

تەكسەرۋ ناتيجەلەرى بويىنشا باقىلاۋ ماتەريالدارى مەملەكەتتىك كىرىستەر دەپارتامەنتى جانىنداعى قالالىق ەكونوميكالىق تەكسەرۋ قىزمەتىنە شەشىم قابىلداۋعا جىبەرىلدى.