سونداي- اق كەيىنگى كەزدە الەۋمەتتىك جەلىدە دە «اسىل ارنا» تەلەكانالىنىڭ كىمدەردىڭ قارجىلاندىرىپ وتىرعانىنا قاتىستى ءتۇرلى كەراعار پىكىرلەر جيىلەپ كەتتى. ءتىپتى قوعام ەكىگە جارىلىپ وتىر. وسى جاعدايدان كەيىن «اسىل ارنا» كانالىن كورۋگە بولا ما؟» - دەگەن كوكەيدە ورىندى دا كۇدىكتى سۇراق تۋىپ تۇر دەپ حابارلايدى Іslam.kz.
«اسىل ارنانىڭ» قۇربان ايتقا بايلانىستى شىعارعان بەينەروليگىنە قاتىستى بەرگەن جاۋابىمىزدان كەيىن حات قورجىنىمىزعا كانالعا قاتىستى سۇراقتار ءجيى كەلىپ جاتقاندىقتان، ونىڭ جاۋابىن جاريا تۇردە جاۋاپ بەرۋدى ءجون ساناپ وتىرمىز. اللا تاعالا قۇراندا:
«(ەي، يمان ەتكەندەر!) اللاعا جانە ونىڭ پايعامبارىنا بويۇسىنىڭدار. ءوزارا ۇرىسىپ، كەرىسپەڭدەر، ايتپەسە السىرەيسىڭدەر، بويلارىڭنان قۋات قاشادى. سابىرلى بولىڭدار. اللا سابىرلىلاردى جاقسى كورەدى» [1]، - دەپ مۇسىلمانداردى ىنتىماق پەن بىرلىككە شاقىرىپ، الاۋىزدىقتىڭ زالالىن ەسكەرتكەن. باسقا ءبىر اياتتا: «شىندىعىندا ءمۇمىن- مۇسىلماندار ءبىر- بىرىمەن تەك قانا باۋىر. سوندىقتان (ارازداسقان) ەكى باۋىرلارىڭنىڭ اراسىن جاراستىرىڭدار. جانە اللادان قورقىڭدار. سوندا يگىلىككە بولەنەرسىڭدەر» [2]، - دەپ مۇسىلمانداردىڭ ءبىر- بىرىمەن باۋىر- تۋىسقان ەكەندىگىن ەسكە سالىپ، ارازداسقانداردىڭ اراسىن تۇزەتۋدىڭ ساۋاپتى ءىس ەكەنىن بىلدىرگەن.
ءبىز اتالمىش جاۋابىمىزدا شاريعي سۇراققا، شاريعات شەڭبەرىندە جاۋاپ بەرگەن بولاتىنبىز. ال الەۋمەتتىك جەلىدە قىزۋ تالقىعا ءتۇسىپ جاتقان «اسىل ارنانى» قارجىلاندىرۋ ماسەلەسىن قاداعالايتىن ەلىمىزدىڭ ارنايى قارجى، ت. ب مەكەمەلەرى بار.
«اسىل ارنا» اشىلعالى بەرى حالىققا پايدالى تانىمدىق جاقسى دۇنيەلەردى شىعارىپ جاتقانىن ەشكىم جوققا شىعارا المايدى. ال كەيبىر باعدارلامالارىنداعى اتتەگەنايلار مەن قاتەلىكتەر بولىپ جاتسا، ونى ەلىمىزدىڭ ساۋاتتى ءدىن عالىمدارى، ق م د ب مەن ءدىن ىستەرى كوميتەتى قاداعالاپ، ەسكەرتۋى ءتيىس. مۇنى »اسىل ارنا» ۇجىمى شامدانباي دۇرىس قابىلدايدى دەگەن ۇمىتتەمىز. سونداي-اق، الەۋمەتتىك جەلىلەردە دە ءجيى-ءجيى كوتەرىلىپ جۇرگەن «نەگە ارنادا ءماتۋرۋدي اقيداسى جايلى باعدارلاما جوق؟ نەلىكتەن سالافيزمنىڭ تەرىس اعىم ەكەندىگى اشىق ايتىلمايدى» دەگەن سىندى كورەرمەننىڭ ورىندى ەسكەرتۋلەرىن دە ارنا ۇجىمى قاپەرىنە الىپ، بۇل تاقىرىپتا دا جاقسى باعدارلامالار ارناعانىن ءجون سانايمىز.
ءسوز سوڭىندا ايتارىمىز، اسىل ارنانى كورۋگە بولادى. سەبەبى، ارنا مەن ق م د ب جانە ءدىن ىستەرى كوميتەتىنىڭ اراسىندا ءوزارا ىقپالداسىپ جۇمىس ىستەۋگە بايلانىستى ارنايى مەموراندۋم بار بولعاندىقتان، ارنا ونىمدەرى ءجىتى قاداعالاۋدا. ال كەمشىلىكتەر مەن قاتەلىكتەر بولىپ جاتسا، جوعارىدا دا ايتىپ وتكەنىمىزدەي، ونى ەلىمىزدىڭ ساۋاتتى ءدىن ماماندارى مەن اتالمىش مەكەمەلەر دەر كەزىندە ەسكەرتىپ، تۇزەتەتىندىگىندە كۇمانىمىز جوق.
[1] ءانفال سۇرەسى، 46-ايات.
[2] حۋجۋرات سۇرەسى.