قازاقستان رەسپۋبليكاسى ءبىلىم جانە عىلىم مينيسترلىگىنىڭ جانە «بولاشاق» حالىقارالىق ستيپەندياسىنىڭ رەسمي اكىمشىسى «حالىقارالىق باعدارلامالار ورتالىعى» ا ق- نىڭ باستاماسى بويىنشا ءال- فارابي اتىنداعى قازاق ۇلتتىق ۋنيۆەرسيتەتى بازاسىندا قازاقستانداعى ءبىرىنشى ءتىل مەكتەبى قۇرىلدى، دەپ حابارلايدى قازۇۋ- ءنىڭ باسپا ءسوز قىزمەتىنەن.
تىلدىك دايارلىقتىڭ نەگىزگى سەرىكتەسى ءبىلىم سالاسىنداعى جەتەكشى حالىقارالىق ۇيىم - بريتاندىق كەڭەس بولىپ تابىلادى. مەكتەپ جۇمىسى «بولاشاق» ستيپەندياتتارى العاشقى 6 ايدا ءتىلدى قازاقستاندا، قالعان 6 ايدا شەتەلدە وقيتىن «6 6» اعىلشىن ءتىلىن وقۋدىڭ جاڭا فورماتىن ۇسىنادى. بۇل كۋرس اكادەميالىق باعدارلاماعا تۇسكەن ستيپەندياتتاردىڭ كۆوتالىق ساناتتارىن دايارلاۋعا ەسەپتەلگەن. تاعىلىمداماشىلار ءتىلدى تەك قازاقستاندا عانا وقيتىن بولادى.
مەكتەپتىڭ رەسمي اشىلۋ سالتاناتى ءال- فارابي اتىنداعى قازۇۋ ءبىرىنشى پرورەكتورى م. بۇركىتبايەۆتىڭ، «حالىقارالىق باعدارلامالار ورتالىعى» ا ق پرەزيدەنتى ع. نىعىمەتوۆتىڭ، بريتاندىق كەڭەستىڭ وڭىرلىك ديرەكتورى ەندي ۋيليامستىڭ قاتىسۋىمەن ءوتتى.
2015 - جىلى «بولاشاق» ستيپەندياسى تاعايىندالعان مەكتەپتىڭ العاشقى 38 تىڭداۋشىسى وقۋدى باستاپ كەتتى.