بۇگىن ەلىمىزدىڭ باسىم بولىگىندە جاۋىن-شاشىنسىز اۋا رايى ساقتالادى

استانا. قازاقپارات - 7- قازاندا ەلىمىزدىڭ باسىم بولىگىندە جاۋىن-شاشىنسىز اۋا رايى ساقتالادى.

تەك باتىسىندا اتموسفەرالىق فرونتالدى اۋا بولىكتەرىنىڭ وتۋىنە بايلانىستى كەي جەرلەردە جاڭبىر جاۋادى. كەي جەرلەردە تۇمان كۇتىلىپ، جەل كۇشەيەدى، دەپ حابارلايدى «قازگيدرومەت» ر م ك.

اقمولا، جامبىل، قوستاناي، پاۆلودار، تۇندە سولتۇستىك قازاقستان، كۇندىز قاراعاندى وبلىستارىندا جەلدىڭ 15-20 م/س دەيىن كۇشەيۋى كۇتىلەدى. اتىراۋ، شىعىس قازاقستان وبلىستارىنىڭ كەي جەرلەرىندە تۇندە جانە تاڭەرتەڭ تۇمان تۇسەدى.

قىزىلوردا وبلىسىندا، وڭتۇستىك قازاقستان، جامبىل، باتىس قازاقستان، اتىراۋ، قاراعاندى، قوستاناي، اقتوبە وبلىستارىنىڭ كەي جەرلەرىندە ءورت قاۋپى ساقتالادى.