بۇل تۋرالى سەيسەنبىدە جاريالانعان كاسىبي فۋتبولشىلار قاۋىمداستىعىنىڭ حالىقارالىق فەدەراتسياسىنىڭ (FIFPro) زەرتتەۋىندە جازىلدى.
FIFPro مەديتسينالىق قىزمەتىنىڭ باسشىسى ۆەنسان گۋتتەبارگ جەتەكشىلىك ەتكەن زەرتتەۋ 607 فۋتبولشىنىڭ %38 ى جانە 219 بۇرىنعى ويىنشىنىڭ %35 ىندا كۇيزەلىس پەن وزگە دە پسيحولوگيالىق پروبلەمالاردىڭ بەلگىلەرى بار ەكەنىن انىقتادى.
«بۇل زەرتتەۋ مۇددەلى تۇلعالاردى اقپاراتتاندىرۋعا سەپتەسىپ، ولار اتالعان ماسەلەلەردەن زارداپ شەگەتىندەرگە كومەكتەسەدى دەپ ۇمىتتەنەمىز»، - دەدى دوكتور گۋتتەبارگ.
سونىمەن قاتار، ساۋالناما ناتيجەسى كورسەتكەندەي، ءۇش نەمەسە ودان دا كوپ جاراقات العان فۋتبولشىلار پسيحيكا ماسەلەسىن ەكى- ءتورت ەسە كوبىرەك اتاعان.
سونىمەن قاتار قازىرگى ويىنشىلاردىڭ %23 ىنىڭ ۇيقىسى بۇزىلعانى، ولاردىڭ %9 ى ىشىمدىكتى كوپ ىشكەنى بەلگىلى بولدى.