مەككەدە قازا تاپقانداردىڭ قاتارىندا يسلام عۇلامالارى بار

دەرەكسىز كەتكەندەردىڭ تىزىمىندە بىرنەشە يسلام عۇلامالارى دا بار كورىنەدى.

قازىرگى ۋاقىتتا ىزدەستىرۋ شارالارى جۇرگىزىلىپ جاتقانىمەن، ءىز-ءتۇسسىز جوعالعانداردى قازا تاپقاندار قاتارىنا جاتقىزا باستادى. سولاردىڭ اراسىندا بەلگىلى ءۇندى عالىمى، ءمۇفتي مۋحاممەد فارۋك تە بار. حاديس ءىلىمى مەن فيقھ سالاسىندا 50 گە جۋىق كىتاپ جازعان ول 700 دەن استام ستۋدەنت وقيتىن يسلام وقۋ ورداسىن باسقاراتىن ەدى.

سونداي-اق، ميناداعى دۇربەلەڭ كەزىندە يراندىق ەلشى گازانفار رۋكنابادي دە جوعالىپ كەتكەن. ول 2010-2014 -جىلدار ارالىعىندا ليۆان ەلىندە ەلشىلىك قىزمەت اتقارعان بولاتىن. الايدا، ساۋد ارابياسى بيلىگى ونىڭ ەلگە ەنگەن قاجىلار ءتىزىمى ىشىندە بولماعانىن ايتىپ وتىر. ەكى ەل اراسىنداعى داۋدىڭ باستالۋىنا وسى وقيعا سەبەپ بولعان ەدى.

نيگەريا مەملەكەتىندەگى مايدۋگۋري ۋنيۆەرسيتەتىنىڭ يسلام عىلىمدارى جونىندەگى پروفەسسورى تيدجاني ەل-ميسكين دە مينا جازىعىندا ءدام-تۇزى تاۋىسىلىپ، قاسيەتتى مەكەنگە جەرلەنگەن.

نيگەريا ەلىنىڭ تۇڭعىش ايەل-رەداكتور اتانعان جۋرناليست بيلكيسۋ يۋسۋف تە وسى قىسپاق كەزىندە ومىرمەن قوش ايتىستى.

muslim.kz